Mateo 10:41 - KNTP

⁴¹ Awa utambula ngauzhi wa Lesa mu jizhina ja ngauzhi, ukatambula mfweto ya ngauzhi wa Lesa. Kabiji utambula muntu waoloka na mambo a kuuba amba, ye waoloka, ukatambula mfweto ya waoloka.

Mateo 10:41 Iomraidhean Croise

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Mateo 25:44

“Ponkapo ne abo nabo bakamukumbula amba ‘Nkambo, ng'anyi kimye kyo twimumwene nangwa na nzala, nangwa na kilaka, nangwa mwenyi, nangwa na bwamba, nangwa na kukolwa, nangwa mu kaleya, ne kwimukwasha ne?’

Mateo 25:45

Ponkapo ukebambila amba ‘Kine, nemwambila namba, monka mo mwabujile kumuubila umo wapelaako wa bano, mo mwabujile kungubila ne amiwa.’

Mateo 6:1

“Jimukai! Kechi mube byaoloka byenu ku meso a bantu amba betumone ne. Abyo kechi mu mwenemo mfweto kwi Shenu wa mwiulu ne.”

Mateo 6:18

amba, kechi kiyukanyikwe ku bantu amba, wazhikilwa na nzala ne, poso konka kwi Shobe wa kumbaji. Ne Shobe umona kumbaji, ukakufweta.”

Mateo 6:4

Namba bumpanyi bobe bwikale bwa kumbaji. Kabiji Shobe umona kumbaji ukakufweta.”

Mateo 6:6

Kabiji obewa pa kulomba, utwele mu kazubo kobe ka mukachi, ne pa kushinka kibelo, ulombe kwi Shobe wa kumbaji, kabiji Shobe umona kumbaji ukakufweta.”

Mateo 7:8

Mambo yense ulomba utambula; ukeba naye wikimona, ukonkonsha naye, bakamushinkwilako.

Byubilo 16:15

Kabiji byo abatizhilwe ne ba munzubo yanji pamo, witusashijile amba, “Umvwe mwandanguluka amba, ne wakishinka mwi Nkambo, twelai mu nzubo yami mwikalemo.” Byo byo etusashijile.

Loma 16:23

Ngayusa, mwine ye nafikilako, ne kipwilo kyonse pamo, bemwimuna. Elasatusa, kalama wa muzhi, wimwimuna, ne Kwalitusa mulongo wetu pamo.

1 Kolinda 9:17

Mambo umvwe nekyuba kino monka mu kyaswa muchima wami amiwa mwine, nkatambula mfweto. Bino umvwe kechi mu kyaswa muchima wami ne, natwikwa na uno mwingilo.

Bahebelu 6:10

Mambo Lesa kechi wabula koloka amba avulame mwingilo wenu ne butemwe bo mwijimwesha jizhina janji byo mwibengijilenga bazhijikwa banji ne. Bino ne pano mukibengijila byonkabyo.

2 Yoano 1:8

Kasa mwikenkenta anweba bene, kuchiina amba mwakataya abya bintu byotwaingijile, mukatambule mfweto yonse.