Mateo 10:37 - KNTP

³⁷ “Watemwisha bashanji ne bainanji kukila byo antemwa amiwa kechi wamfwainwa ne; kabiji watemwisha mwananji wamulume nangwa wamukazhi kukila byo antemwa amiwa, kechi wamfwainwa ne.

Mateo 10:37 Iomraidhean Croise

Mateo 22:37

Kumvwa aye Yesu amba, “Ukamutemwa Nkambo Lesa wobe na muchima wobe yense, ne na mweo wobe yense, ne na maana obe onse.

Mateo 22:8

Ponkapo wa ambijile bakalume banji amba, kijiilo kya masongola kyanengezhiwa, pakuba aba botwaichile kechi kibafwainwa ne.

Luka 14:26

“Umvwe muntu waiya kwi amiwa kwakubula kushikwa bashanji ne bainanji ne, ne mukazhi ne baana ne, ne balongo ne banyenga yanji, ee kine ne mweo wanji ne, kechi wakonsha kwikala ke mwanami wabwanga ne.

Luka 20:35

pakuba aba bo baketaba amba bafwainwa kufika ku yoya myaka ne ku lusanguko lwa mu bafu, abo kechi bakasongola nangwa kusongolwa ne.

Luka 21:36

Bino jimukai anweba moba onsetu ne kulomba mukakonshe kupuluka ku byobya byonse bikafika ne kwimana ku meso a Mwana Muntu.”

Yoano 5:23

amba, bonse bamunemeke Mwana, byonka byo banemeka Shanji. Wabula kunemeka Mwana ye wabula kunemeka ne Shanji wamutuma.

Lumwekesho 3:4

Bino uji na mazhina amo acheche mu Saladisa a baabula kubipisha bivwalo byabo. Abo bakendanga ne amiwa kasa bavwala bitoka, mambo bo bafwainwa.