Mateo 10:33 - KNTP

³³ Kabiji awa ukankana ku meso a bantu ne aye naye amiwa nkamukaana ku meso a Taata wa mwiulu.”

Mateo 10:33 Iomraidhean Croise

Mako 14:30

Kumvwa Yesu wamwambijile amba, “Kine nemwambila namba, buno bufuku bwa leelo, shikombwe kasa akyangye kukookola jibiji, anweba musakunkana jisatu.”

Mako 14:72

Ponkapotu shikombwe wakokweele ke jibiji. Ne Petelo wavulukile kyambo kya mwambijile Yesu amba, “Shikombwe kasa akyangye kukookola jibiji usakunkana jisatu.” Ne pa kwikilanguluka wajijile bingi.

Mako 8:38

Mambo aye ukangubila bumvu amiwa ne mambo ami mu kino kisemi kya bukende ne kya bundengamambo, ne Mwana Muntu naye ukamubila bumvu byo akeya mu lukumo lwa Shanji na bamalaika bazhila.”

Luka 12:9

Bino awa wankana ku meso a bantu, naye bakamukaana ku meso a bamalaika ba Lesa.”

Luka 22:57

Pakuba Petelo wakaine amba, “Obewa mwanamukazhi leka! Kechi namuyuka ne.”

Luka 9:26

Mambo yense ukangubila bumvu amiwa ne mambo ami, aye naye Mwana Muntu ukamubila bumvu byo akeya mu lukumo lwanji ne mu lukumo lwa Shanji ne lwa bamalaika bazhila.

2 Timoti 2:12

Umvwe twakosela mu bya malwa, tukekala nanji mu bufumu pamo. Umvwe twamukana, ne aye naye usa kuketukana;

2 Petelo 2:1

Bino kwamwekele ne bangauzhi ba bubela mu bantu, pamo ne mwi anweba namo mukekala bafunjishi ba bubela, bo bakatwezhamo kumbaji mafunjisho angi a lonaiko, kasa bakana ne aye Nkambo wibapotele, ne kwiletela abo bene lonaiko bukiji.

1 Yoano 2:23

Mambo bonse bakana Mwana bakana ne Taata; abo bamwitabila Mwana baji ne Taata pamo.