Mateo 10:27 - KNTP

²⁷ Kyonemubula mu mfishi mwikyambe pa mute; kabiji kyo mumvwa mu kutwi, mwikitayile mbila pa mutenge.

Mateo 10:27 Iomraidhean Croise

Mateo 24:17

Aye uji pa mutenge kechi akekile amba, akasende biji mu nzubo yanji ne.

Luka 12:3

Byonkabyo byonse byo mwa amba mu mfishi bikomvwanyika patoka; ne kyokya kyo mwanongotela mu kutwi mu mazubo a mukachi kikatayiwa mbila pa mutenge.”

Luka 8:10

Aye wa ambile amba, “Kwi anweba kimupewa kuyuka byafyamika bya mu bufumu bwa Lesa, bino ku bakwabo biji mu bishimpi, pakuba amba, byobamona kechi bamone ne, ne byobomvwa kechi bomvwishe ne.”

Yoano 16:1

Bino bintu nemwambila namba, mwakeya kwituntula.

Yoano 16:13

Pakuba aye Mupashi wa bukine, byo akeya ukemutangijila mu byonse bya kine, mambo aye kechi ukambanga byanji mwine ne, pakuba byonkabya byo akomvwa, byo byonka byo akamba, ne aye ukemubuula bintu bikamweka.

Yoano 16:25

“Nemwambila bino bintu mu bishimpi. Bino juba jibena kwiya, jo nkabula kwimwambila mu bishimpi, pakuba nkemwambila bulongo mukomvwishe bya bataata.

Yoano 16:29

Ne baana banji babwanga ba ambile amba, “Ee, pano mwa ambatu bulongo, kechi mwa amba mu kishimpi ne.

Byubilo 17:17

Aye kepo aipuzhang'enenga naba mu shinagoga ne Bayudea ne bapopwelanga Lesa, ne pa kisankanyi napo na bantu bo a sambakenenga pa juba pa juba.

Byubilo 5:20

“Yainga, mukemane mu nzubo ya Lesa mukebambile bantu byambo byonse bya buno bumi.”

Byubilo 5:28

“Atweba twimukambiizhe bingi, namba kechi mufunjishenga mu jino jizhina ne. Ke ibyo nyi? Kabiji anweba mwakumbanya Yelusalema na mafunjisho enu, ne kusaka mwasaka kwitushinkamika mashi a ye uno muntu.”

2 kolinda 3:12

Onkao mambo, pa kwikala na luketekelo lwa byonkabyo, twachinchika bingi.