Mateo 10:25 - KNTP

²⁵ Kyamuwamina awa ye bafunjisha kufika pa kipimo kya yewa umufunjisha, ne muzha naye afike pamo nobe nkambo yanji. Umvwe bamunenene mwina nzubo amba Belezebuba, kechi bakakizhepo kwibanena ba munzubo yanji nenyi?

Mateo 10:25 Iomraidhean Croise

Mateo 12:24

Pakuba Bafaliseo, pa kwikyumvwa, ba ambile amba, “Uno kechi wibapangamotu bademona ne, poso na bulume bwa Belezebuba, mfumu wa bademona.”

Mateo 12:27

Ne amiwa umvwe mpangamo bademona na bulume bwa Belezebuba, nanchi baana benu bebapangamo na bulume bwa kwa ng'anyi? Onkao mambo kyo kyo basakwikajila ke ba mitonyi benu.

Mateo 9:34

Pakuba Bafaliseo ba ambile amba, “Wibapangamo bademona na bulume bwa mukulumpe wabo.”

Mako 10:39

Ne abo bamwambijile amba, “Twakonsha.” Ne Yesu wibambijile amba, “Kine mukatoma aka katomeno kontoma amiwa, ne lubatizhilo lo mbatizha amiwa, nalo mukelubatizwa.

Mako 3:22

Kabiji banembeshi bafumine ku Yelusalema ba ambilenga amba, “Wanonkwa kwi Belezebuba,” kabiji amba “Upangamo bademona na mfumu wa bademona.”

Luka 11:15

Bino bamo amba, “Upangamo bademona na Belezebuba, mfumu wa bademona.”

Luka 11:18

Kabiji umvwe Satana naye wialukila mwine, bufumu bwanji bukekala byepi? Byo mwa amba amba, mpangamo bademona na Belezebuba.

Luka 11:19

Kabiji umvwe mpangamo bademona na bulume bwa Belezebuba, nanchi baana benu bebapangamo na bulume bwa kwa ng'anyi? Onkao mambo kyo kyo basakwikajila ke ba mitonyi benu.

Yoano 10:20

Ne bavula ba ambile amba, “Uji na mudemona! Wakonya! Mumumvwina ka?”

Yoano 7:20

Kumvwa jibumba ja bantu amba, “Muji na mudemona! Ng'anyi ukeba kwimwipaya?”

Yoano 8:48

Kumvwa Bayudea amba, “Nanchi twa amba bulongo namba, anweba mwi mwina Samaliya, kabiji muji na mudemona.”

Yoano 8:52

Kumvwa Bayudea ba mwambijile amba, “Pano twayuka namba muji na mudemona! Abulahama wafwile, ne bangauzhi nabo, pakuba anweba amba, umvwe muntu walama mambo ami kechi ukamona lufu myaka ne myaka nangwa pacheche ne.