Mateo 10:23 - KNTP

²³ Kabiji pa kukemupata mu muzhi umo, mukanyemene ku muzhi mukwabo, mambo kine nemwambila namba, kechi mukakumbanye mizhi yonse ya Isalela Mwana Muntu kasa akyangye kwiya ne.

Mateo 10:23 Iomraidhean Croise

Mateo 16:27

Mambo Mwana Muntu ukeya mu lukumo lwa ba Shanji na bamalaika banji, po po akafweta muntu yense monka mwayila mingilo yanji.

Mateo 16:28

Kine nemubuula namba, po baji bamo baimana pano, bakabula kumona lufu nangwa pacheche ne, poso bakamone Mwana Muntu kasa eya mu bufumu bwanji.”

Mateo 2:13

Kabiji byo bafumineko, ponkapo malaika wa Nkambo wamwekele kwi Yosefwa mu kiloto ne kumwambila amba, “Buuka, utwale mwana ne inanji, unyemene mu Ijipita, ukekale monka poso nkakubuule, mambo Heloda ukakeba mwana amba, amwipaye.”

Mateo 23:34

Byonkabyo talai, nemutumina bangauzhi bami ne bamaana, ne banembeshi, kabiji bamo mukebepaya ne kwibapopa pa misalabu, kabiji bakwabo mukebatutaula mu mashinagoga enu, ne kwibapanga mu mizhi yenu.

Mateo 23:36

Kine nemwambila namba, bino bintu byonse bikekifikila kino kisemi!

Mateo 24:27

Mambo byonka byuba kubeesha kwa mvula kufuma ku musela ne kumweka ku muzhika, byo kikekala ne pa kwiya Mwana Muntu.

Mateo 24:30

Kabiji ponkapo kikamweka kiyukilo kya Mwana Muntu mwiulu, kabiji mikoka yonse ya pano panshi ikajila miteto, bakamumona Mwana Muntu kasa eya mu makumbi a mwiulu na bulume ne na lukumo lukatampe.

Mateo 24:34

Kine nemwambila namba, kino kisemi kechi kikapite ne, poso bino byonse bikafike.

Mateo 24:48

Bino umvwe kalume watama walanguluka mu muchima wanji amba, ‘Nkambo yami wabanda kwiya,’

Mateo 25:13

Byonkabyo ne anweba labainga ne kukenkenta, mambo kechi mwayuka kana ng'anyi juba nangwa kimye ne.”

Mateo 26:64

Kumvwa Yesu amba, “Wafikilapotu. Nanchi nemwambila namba, palutwe mukamona Mwana Muntu kasa aikala ku kilujo kya Bulume, kasa eya mu makumbi a mwiulu.”

Mateo 4:12

Kabiji Yesu pakumvwa amba, Yoano uji mu kaleya, Yesu wafumineko ne kuya ku Ngalilea.

Mako 13:26

Kabiji ponkapo bakamona Mwana Muntu kasa eya mu makumbi na bulume bukatampe ne lukumo.

Luka 18:8

Nemubuula namba, ukebachibila nsambu bukiji. Bino Mwana Muntu byo akeya kana ukataana lwitabilo pano pantanda nyi?”

Luka 21:27

Ponkapo bakamona Mwana Muntu kasa eya mu makumbi na bulume ne lukumo lukatampe.

Yoano 7:1

Bino byo byapwile Yesu wapitang'enenga mu Ngalilea, mambo kechi wasakile kupitang'ana mu Yudea ne, mambo Bayudea basakilenga kumwipaya.

Byubilo 17:10

Ponkapo balongo batumine ba Paulo ne Silasa bufuku ku Beliya. Kabiji abo byo bafikileko batwelele mu shinagoga ya Bayudea.

Byubilo 17:14

Ponkapotu balongo bamwimenye Paulo amba afike ne ku kalunga ka mema, bino ba Silasa ne Timoti bashajile konka.

Byubilo 20:1

Akya kiwowo byo kyapwile, Paulo waichile baana babwanga ne pa kwibakosesha wibashajikilepo, ke lwendo lwa kuya ku Makedonya.

Byubilo 8:1

Ne Saulo waitabizhe lufu lwanji. Kabiji pa jonkaja juba kwabuukile lupato lukatampe lwa kwikipata kipwilo kya mu Yelusalema. Ne bonse bapalang'ejile monse mu Yudea, ne mu Samaliya, poso bonka batumwa.