Mateo 10:20 - KNTP

²⁰ Mambo kechi anweba mukamba ne, poso Mupashi wa Shenu ye ukambanga mwi anweba.”

Mateo 10:20 Iomraidhean Croise

Mateo 6:32

Mambo abye bintu byonse bebisaka Bangentila; pakuba Shenu wa mwiulu wayuka amba, bino bintu byonse bimufwainwa.

Mako 12:36

Davida mwine, wa ambile na Mupashi Wazhila amba, “‘Nkambo wa ambijile Nkambo yami amba, Ikala ku kilujo kyami, Poso ngalule balwanyi bobe munshi ya maulu obe.’

Luka 11:13

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana Mupashi Wazhila ku bamulomba nenyi?”

Luka 12:12

Mambo Mupashi Wazhila ukemufunjisha mu kyonkakya kimye byo mwafwainwa kwamba.”

Luka 21:15

mambo amiwa nkemupa byambo ne maana, ne bonse bemushikwa kechi bakayuka mwa kwibyalulwila nangwa kwibilengulula ne.

Byubilo 13:9

Ponkapo aye Saulo, jikwabo Paulo, byo ayujile na Mupashi Wazhila wamutajijishe,

Byubilo 2:4

Ne abo bonse bayujile na Mupashi Wazhila kabiji batatwile kwamba mu njimi ingi, monka mo ebapelejile byambo Mupashi.

Byubilo 28:25

Kabiji byo babujile kwitabanzhana abo bene na bene bapalang'ene, byo a ambile Paulo kyambo kimo, amba “Nanchi kyo kyawama kya ambile Mupashi Wazhila mwi ngauzhi Isaya ku bashakulu benu!

Byubilo 4:8

Ponkapo Petelo, wayujile na Mupashi Wazhila, ne kwibambila amba, “Anweba bandamakyalo mulama bantu, ne bakulumpe,

Byubilo 6:10

Bino abo kechi bakonsheshe kushinda aa maana ne aye Mupashi ye a ambijilengamo ne.

2 kolinda 13:3

Byomubena kukeba kayukilo kyakuuba amba, Kilishitu ye wa amba mwi amiwa. Aye pa kwingila kwi anweba kechi wanekena ne, pakuba ye mwine wa bulume mwi anweba.

Tesalonika 2:13

Kabiji na mambo a ano mambo o nsanchila kwi Lesa kwakubula kuzhikilwa. Mambo byo mwatambwile kwi amiwa mambo a Lesa, kechi mwiatambwile nobe mambo a bantu ne, poso byonka byo aji kine mambo a Lesa. Kabiji oengila mwi anweba baitabila.

1 Petelo 1:12

Kabiji kibabujilwe abo amba kechi babena kwiingijila abo bene ne, poso kwimwingijila anweba, mu bintu byo bemubujile anweba kupichila mu boba basapwijile Mambo Awama kwi anweba na Mupashi Wazhila watuminwe kufuma mwiulu, bino bintu ne bamalaika nabo basakisha kwibimona.

2 Petelo 1:21

Mambo bya bungauzhi kechi byaishile na kyaswa muchima wa muntu nangwa jimotu ne, bino bantu ba ambile byafumine kwi Lesa, monka mo bebatangijile ku Mupashi Wazhila.