Mateo 10:2 - KNTP

² Kabiji mazhina a batumwa jikumi na babiji o ano; mutanshi, Shimona, yebateela ja Petelo, ne Andeleo mulongo wanji, ne Yakoba mwana Zebede, ne Yoano mulongo wanji;

Mateo 10:2 Iomraidhean Croise

Mateo 17:1

Kabiji pakupitapo moba atanu na jimo Yesu wasendele ba Petelo, ne Yakoba, ne Yoano mulongo wanji, ne kwibatwala pa mutumba walepa bunke bwabo.

Mateo 20:20

Ponkapo inanja baana bakwa Zebede, waishile na baana banji babalume na kumupopwela, ne kumulomba kintu.

Mateo 26:37

Kabiji wasendelepo ba Petelo ne baana ba Zebede bonse babiji, watatwile kupopomenwa ne kunemenwa mu muchima wanji.

Mateo 4:18

Kabiji Yesu byo a sezhezhenga kizhiba kya Ngalilea, wamwene baana bankazhi babiji, Shimona yebateela amba Petelo, ne Andeleo mulongo wanji, kasa bata bukonde mu mema, mambo baingilanga mwingilo wa kukwata masabi.

Mateo 4:21

Byo a endeleko pacheche wamwene baana bankazhi bakwabo babiji, Yakoba mwana Zebede, ne Yoano mulongo wanji, bajinga pamo mu bwato ne shabo Zebede, na kununga makonde abo. Kabiji ne abo wibechile,

Mako 1:29

Kabiji Yesu pa kulupuka mu Shinagoga pamo na baana banji babwanga, bakatwelele ne Yakoba ne Yoano mu nzubo ya ba Shimona ne Andeleo.

Mako 13:3

Byo aikajile pa Mutumba wa olivi, kasa atalang'ana na nzubo ya Lesa, ba Petelo ne Yakoba ne Yoano ne Andeleo bamwipwizhe kwa bunke amba,

Mako 6:30

Kabiji batumwa byo bepwizhizhe pamo konka kwi Yesu, bamubujile byonse byo baubilenga ne byo bafunjishenga.

Luka 11:49

Onkao mambo maana a Lesa a ambile amba, nkebatumina bangauzhi ne batumwa, kabiji bamo bakebepaya, ne kwibapata.

Luka 22:14

Kabiji kimye byo kyafikile, Yesu waikajile kutebulu pamo na batumwa.

Luka 22:8

Onkao mambo Yesu watumine Petelo ne Yoano amba, “Yainga muketunengezhezhe kijiilo kya Lupitailo tukaje.”

Luka 5:10

Ne Yakoba ne Yoano baana ba kwa Zebede naabo pamo bo bajinga mu lumvwang'ano lumo ne Shimona. Ne Yesu wamwambijile Shimona amba, “Kuuba moyo ne; mambo kufuma ku ja leelo mukekala ke bakukwata bantu.”

Luka 9:10

Byo babwelele batumwa bamubujile byonse byo baubilenga. Ne aye wibatwajile kwa bunke ku muzhi yebatela amba Betesaida.

Yoano 12:22

Ne Filipa naye waishile na kumubula Andeleo, Andeleo waishile ne Filipa ne kumubula Yesu.

Yoano 13:23

Mwananji wabwanga umo, yenka ye atemenwe Yesu, wajinga ku tebulu, kasa asendalela mu kyaji kya Yesu.

Yoano 20:2

Ponkapo aye wanyemejile kwi Shimona Petelo, ne ku mwana wabwanga mukwabo ye atemenwe Yesu, ne kwibabuula amba, “Bamufumyamo Nkambo mu kilende, ne atweba kechi twayuka ko bamutula ne!”

Yoano 21:2

Kwajinga Shimona Petelo, ne Tomase yebateela amba, Didimasa, ne Natanela wa ku muzhi wa Kena wa mu Ngalilea, ne baana ba Zebede, ne baana banji babwanga babiji bakwabo.

Yoano 21:20

Ponkapo Petelo wafutulukile, ne kumona awa mwana wabwanga ye atemenwe Yesu, kasa alondela, yenka wa shakamijile mu kyaji kyanji ku kijiilo, ne kwamba amba, “Nkambo, ng'anyi usa kwimusolola?”

Yoano 21:24

Uno ye yewa mwana wabwanga washimuna bino, ne kwibinemba, kabiji twayuka namba kushimuna kwanji ko kwa kine.

Yoano 6:67

Ne aye Yesu wa ambijile ba jikumi na babiji amba, “Ne anweba musaka kufumako nyi?”

Yoano 6:70

Yesu wibambijile amba, “Nanchi, kechi nemusalulwile anweba jikumi na babiji nenyi? Pakuba umo wa mwi anweba ye mulwanyi.”

Yoano 6:71

Wanenene Yudasa, mwana Shimona Isakaliota, mambo aye ye wajinga ukamusolola, ye umo wa boba ba jikumi na babiji.

Yoano 6:8

Mwananji wabwanga umo aye Andeleo mulongo wanji Shimona Petelo, wamwambijile amba,

Byubilo 1:13

Kabiji byo batwelele, bakanjijile mu nzubo ya peulu, mobaikajile ba Petelo, ne Yoano, ne Yakoba, ne Andeleo, ne Filipa, ne Tomase, ne Batolomo, ne Mateo, ne Yakoba mwana Alefesa, ne Shimona Muzelote, ne Yudasa mwana Yakoba.

Byubilo 1:26

Ponkapo bebatayijile bubale, ne bubale bwakwachile Matiasa, ne aye wabajilwe pamo na batumwa jikumi na umo.

Byubilo 12:2

Waipayile Yakoba mulongo wa kwa Yoano na mpoko.

Byubilo 3:1

Ba Petelo ne Yoano bakanjijilenga mu nzubo ya Lesa pa kimye kya milombelo, po pa kulemba juba.

1 Kolinda 15:7

Kabiji palutwe wamwekele kwi Yakoba, ne ku batumwa bonse.

Efisesa 4:11

Kabiji bamo wibapele butumwa, bamo bungauzhi, bakwabo busapwishi, kabiji bakwabo bu kafunga ne bufunjishi.

Bahebelu 3:1

Onkao mambo, anweba bakwetu bazhijikwa, bakutambulako pamo ku lwito lwa mwiulu kwi Lesa! Mulangulukai Yesu, aye mutumwa ne ng'anga mukatampe wa lwitabilo lo twaitabila.

1 Petelo 1:1

Petelo, mutumwa wa Yesu Kilishitu. Ku basalululwa bapalang'enamo baikala bwenyi mu Pontusa, ne mu Ngalatiya, ne mu Kapadokya, ne mu Asha, ne mu Bitinya.

2 Petelo 1:1

Shimona Petelo, kalume ne mutumwa wa Yesu Kilishitu. Kwi abo batambula lwitabilo lwa bololoke pamo ne lwetu lwa monka mu bololoke bwa Lesa wetu ne Mupulushi Yesu Kilishitu.

2 Yoano 1:1

Kufuma ku Mukulumpe. kwi Inamfumu wasalululwa ne baana banji, bonatemwa mu bukine, kabiji kechi amiwa yenkatu ne, ne abo bonse bayuka bya bukine,

3 Yoano 1:1

Amiwa mukulumpe. Kwi Ngayusa mutemwe, ye natemwa kya kine kine.

Lumwekesho 1:1

Lumwekesho lwa Yesu Kilishitu, lwamupele Lesa amba, akebabuule bakalume banji, bintu bikamweka palutwe kacheche. Kabiji watumine malaika wanji na kumubuula kalume wanji Yoano.

Lumwekesho 1:9

Amiwa Yoano, mulongo wenu, ne wa kushilang'ena nenu mu bya malwa ne mu bufumu, ne mu butekanye, biji mwi Yesu. Najinga pa jikuji jo bateela amba, Patamosa na mambo a busapwishi bwa mambo a Lesa ne bukamonyi bwa Yesu.

Lumwekesho 18:20

Sekela na mambo anji obewa jiulu, ne anweba bazhijikwa, ne anweba batumwa, ne anweba bangauzhi! Mambo Lesa wimuzhachishishaye!

Lumwekesho 22:8

Ne amiwa Yoano yami nebyumvwine ne kwibimona bino bintu. Kabiji byo naumvwine ne kumona, naponene panshi ku maulu a malaika wambujile bino bintu namba, namupopwele.