Mateo 10:19 - KNTP

¹⁹ Kabiji byo bakemufikizha konka, kechi mukabambishishe jimo michima yenu amba, tusakukaamba amba ka, nangwa amba, tusakukaamba byepi ne; mambo kikemupewa mu kyonkakya kimye kyo mukamba.

Mateo 10:19 Iomraidhean Croise

Mateo 10:18

Kine bakemuleeta ku bene bandamakyalo ne ku bamfumu na mambo a amiwa, kikekala ke mwa kwibasapwila ne ku Bangentila pamo.

Mateo 6:25

“Onkao mambo kyokyo nemwambila namba, kechi mubambishe muchima na mweo wenu na byomukaja, nangwa nabyo mukatoma; nangwa na bivwalo bya mibiji yenu ne. Nanchi mweo kechi wakila kajo nenyi? Ne mubiji kechi wakila bivwalo nenyi?

Mateo 6:31

“Byonkabyo kechi mubambishe michima yenu amba, Leelo tusakuja ka? Nangwa amba, Leelo tusakutoma ka? Nangwa amba, leelo tusakuvwala ka?

Mateo 6:34

Byonkabyo kechi mubambishe michima yenu na ja kesha ne; mambo ja kesha jine jikebambisha na byajo. Bibi bya leelo bijiwaina leelo.”

Luka 12:11

“Kabiji byo bakemuleeta mu mashinagoga, ne ku bandamakyalo, ne ku ba luusa, kechi mukakamwe amba, leelo tusakwibakumbula byepi, nangwa amba tusa kwamba ka, ine.

Luka 12:12

Mambo Mupashi Wazhila ukemufunjisha mu kyonkakya kimye byo mwafwainwa kwamba.”

Byubilo 6:10

Bino abo kechi bakonsheshe kushinda aa maana ne aye Mupashi ye a ambijilengamo ne.

Filipai 4:6

Kechi mubambishe michima yenu nangwa mu kintu kimo ne, pakuba mu bintu byonse kasa musolola kwi Lesa byo musaka monka mu milombelo, ne mu misashijilo ne mukuuba sante pamo.

2 Timoti 4:17

Pakuba aye Nkambo waimene pamo ne amiwa na kunkosesha, amba monka mwi amiwa mambo asapwilwe ne kukumbana konse, Bangentila bonse beomvwe kabiji napokolwelwe mu kanwa ka bokwe.

Yakoba 1:5

Umvwe mwi anweba muji umo wabula maana epuzhe Lesa, kabiji ukapewao mambo Lesa upana ku bonse kwakubula kushintauka.