Mateo 10:15 - KNTP

¹⁵ Kine nemwambila namba, mu juba ja kije bya malwa bya kyalo kya Sodoma ne Gomola bikakepako kechi bikesakana na bya yewa muzhi ne!”

Mateo 10:15 Iomraidhean Croise

Mateo 12:36

“Kabiji nemwambila namba, byambo byonse byatu byo ba amba bantu, bakebitotolola mu juba ja kije.

Mateo 5:18

Mambo kine amiwa nemwambila namba, poso jiulu ne ntanda bikapite, kafwako nangwa kajilembo kamo nangwa kakinshabu kamo ka mu mizhilo kakapita ne, poso byonse bikafike.

Mateo 7:22

Mu joja juba bavula bakang'ambila amba, Nkambo! Nkambo! Kechi twa awilenga na mupashi mu jizhina jenu nenyi? Ne mu jizhina jenu kechi twapangijilengamo bademona nenyi? Kabiji kechi twaubijilengamo mingilo ya bulume yavula mu jizhina jenu nenyi?

Mako 6:11

Kabiji konse konse ko bakabula kwimutambula, nangwa kwimumvwa, mukafumeko kabiji mukakunte lukungu lwa ku maulu enu, kya kwibashiina.”

Yoano 12:48

Awa wankana amiwa, ne kutambula byambo byami ne, ye uji na wa kumuzhachisha. Mambo ona ambile o aka muzhachisha mu juba jikapelaako!

Yoano 6:39

Kabiji kino kyo kyaswa muchima wa Aye wantuma amba, ku bonse bo ampele kechi nkeleepo nangwa umo ne, nanchi amba nkebasangule mu juba jikapelaako.

Yoano 6:40

Pakuba kino kyo kyaswa muchima wa bataata amba, bonse bamumona Mwana ne kumwitabila, bekale na bumi bwa myaka, kabiji ne amiwa nkebasangula mu juba jikapelaako.”

Byubilo 17:31

Mambo aye watongola juba jo ake bachibilamo mambo ba pano pantanda monka mu bololoke konka kwi yewa muntu ye atongola. Kabiji byo akooba byonkabyo aye wibapa bonse kiyukilo kya kwibayukishako, byo amusangwile awa muntu mu bafu!

1 Kolinda 3:13

mingilo ya muntu yense ikasololwa, aja juba jikeimwesha mo yayila, mambo mujilo ye ukeisolola, kabiji mujilo ukeyeseka mingilo ya bonse, kana ya musango ka, kabiji kana ya byepi.

Tesalonika 5:4

Pakuba anweba bakwetu, kechi muji mu mfishi amba, aja juba jikemutaane nobe ngivi ne.

Bahebelu 10:25

Kechi tuleke kupwila pamo, byo boba bamo ne. Poso kwikosesha atweba bene na bene, byo mwamona aja Juba kasa jibena kufwenya pepi.

2 Petelo 2:6

Kabiji byo aalwile mizhi ya Sodoma ne Gomola ke buto tu, wiizhachishe na lonaiko, ne kwiyalula ke ya kumwenako abo bakekala mu bumbulwa kwakamwa Lesa.

2 Petelo 2:9

Aye Nkambo wayuka bya kwibapokolola banemeka Lesa mu lweseko, ne kwibalama babula koloka mu lukabisho, kupembela juba ja kije,

2 Petelo 3:7

Pakuba bya mwiulu bya katataka ne ntanda, byalaminwa mujilo ku jiwi jimo jonka, kupembela juba ja kije ne ja lonaiko lwa bantu babula kwakamwa Lesa.

1 Yoano 4:17

Monka muno mo bwalumbulukila butemwe mwi atweba, pakuba amba tukekale na kuchinchika mu juba ja kije, mambo byonka byo aji, byo byo tuji ne atweba panopantanda.

Yuda 1:6

Ne bamalaika babujile kulama bukulumpe bwabo, kabiji bashiile bifulo byabo byo baikajilengapo bene, wibalama mu mfungwa ya myaka mu mfishi, na kupembelela kije kya aja juba jikatampe.

Yuda 1:7

Pamo nobe Sodoma ne Gomola ne mizhi yajinga kubwipi, byo bepanyishetu bene ku bulalelale, pamotu ne bano, ne kulondela bisela bingi. Bebamwesha ke kya kumwenako byo bamona lukabisho lwa mujilo wa myaka.