Mateo 10:1 - KNTP

¹ Kabiji wibechile baana banji babwanga jikumi na babiji ko aji, ne kwibapa luusa lwa kupangamo bapashi babipa, ne lwa kubuka bikola bya misango yonse ne bulema bwa misango yonse.

Mateo 10:1 Iomraidhean Croise

Mateo 19:28

Kumvwa Yesu wibambijile amba, “Kine nemwambila namba, anweba ba kundondela, mu ntanda ipya byo akekala Mwana Muntu pa jitanda janji ja lukumo, ne anweba mukekala pa bipona jikumi na bibiji, na kwiichibila mambo mikoka jikumi na ibiji ya bena Isalela.

Mateo 26:20

Ponkapo byo kyafikile ke mabanga waikajile na kuja na baana babwanga jikumi na babiji.

Mateo 26:47

Byo akyambilenga, talai, Yudasa umo wa mu ba jikumi na babiji, waishile na jibumba jikatampe, jasenda mapoko ne tukonkolo, jafumine ku bang'anga bakatampe ne bakulumpe ba bantu.

Mateo 4:23

Kabiji Yesu wapitang'enenga monse mu Ngalilea, na kufunjisha mu mashinagoga abo, kasa asapwila Mambo Awama a bufumu, ne kubuka misango yonse ya bikola ne ya bulema mu bantu.

Mateo 6:13

Kabiji kechi mwitutwale mu lweseko ne, mwitupokolole kwi yewa mubi.”

Mateo 9:35

Kabiji Yesu wapitang'enenga mu mizhi yonse ikatampe ne icheche, kasa ebafunjisha mu mashinagoga abo, ne kwibasapwila Mambo Awama a bufumu, ne kubuka bikola bya misango yonse ne bulema bwa misango yonse.

Mateo 9:38

Onkao mambo lombai ku mwina bujimi atume bakwingila mu bujimi bwanji.”

Luka 10:19

Talai, nemupa luusa lwa kunyanta milolo ne tuminye, ne kushinda bulume bonse bwa mulwanyi, kabiji kafwako kikemukozha ne.

Luka 21:15

mambo amiwa nkemupa byambo ne maana, ne bonse bemushikwa kechi bakayuka mwa kwibyalulwila nangwa kwibilengulula ne.

Luka 24:49

Kabiji talai amiwa mwine nkemutumina akya kyalayile Bataata pe anweba. Pakuba anweba mwafwainwa kupembelela mu muzhi poso mukavwikwe na bulume kufuma mwiulu.”

Luka 6:13

Byo bwakiile lukeelo waichile baana banji babwanga kabiji wasajilemo jikumi na babiji, bo atumbile amba batumwa,

Yoano 17:2

Mambo mwamupele luusa lwa pa bantu bonse, pakuba amba akapane bumi bwa myaka ku bonse bo mwamupele.

Yoano 3:27

Kumvwa Yoano amba, “Muntu kechi wakonsha kutambula nangwa kimotu ne, poso wapewakyo kufuma mwiulu.

Yoano 3:35

Shanji watemwa Mwananji, kabiji wabiika byonse mu maboko anji.

Yoano 6:70

Yesu wibambijile amba, “Nanchi, kechi nemusalulwile anweba jikumi na babiji nenyi? Pakuba umo wa mwi anweba ye mulwanyi.”

Byubilo 1:8

Pakuba anweba mukatambula bulume, byo ake mwikijila Mupashi Wazhila, kepo mukekala batumonyi bami ba kunshimuna mu Yelusalema, ne monse mu Yudea, ne mu Samaliya, ne monse mwapela ntanda.”

Byubilo 19:15

Kumvwa aye mupashi wabiipa wibambijile amba, “Yesu namuyuka, Paulo naye namuyuka, pakuba anweba mwi bang'anyi?”

Lumwekesho 12:1

Kabiji kiyukilo kikatampe kyamwekele mwiulu. Kya mwanamukazhi wavwala juba, ne ng'ondo munshi ya maulu anji, wajinga na munchinya wa tubangabanga jikumi na tubiji pa mutwe wanji.