Mateo 1:21 - KNTP

²¹ Kabiji aye ukasema mwana wamulume, ne obewa ukamutumba jizhina janji amba Yesu, mambo aye yenka ukebapulusha bantu banji ku mambo abo.”

Mateo 1:21 Iomraidhean Croise

Mateo 1:25

Bino kechi wasambakene nanji ne poso byo asemene mwana. Kabiji Yosefwa wamutumbile jizhina amba Yesu.

Luka 1:13

Bino malaika wamwambijile amba, “Zakaliya kechi ube moyo ne, mambo milombelo yobe yaumvwanyika, ne mukazhobe Elizabeta uka kusemena mwana wamulume, ne obewa ukamutumba jizhina janji amba Yoano.

Luka 1:31

Kabiji tala, ukemita mwana munda mobe kabiji ukasema mwana wamulume, ne obewa ukamutumba jizhina janji amba Yesu.

Luka 2:11

Mambo kwi anweba ja leelo kwimusemenwa Mupulushi mu muzhi wa Davida, ye Kilishitu Nkambo.

Luka 2:21

Ne pakupita moba atanu na asatu, byo bamuubile kisela kya mukanda, ne abo bamutumbile jizhina amba Yesu, jizhina jo bamutumbile kwi malaika kasa bakyangye kumwimita munda.

Yoano 1:29

Byo bwakiile lukelo Yoano wamwene Yesu kasa eya ko aji, kabiji wa ambile amba, “Talai, Mwana Mukooko wa Lesa, ye ufumya bundengamambo bwa ba pano pantanda!

Yoano 4:42

Ne abo ba mwambijile mwanamukazhi amba, “Pano twaitabila, kechi na mambo a byambo byobe ne, bino mambo ne atweba bene twiumvwina, ne kuyuka twayuka namba, uno kine ye Mupulushi wa ba pano pantanda.”

Byubilo 13:23

Monka mu ba munkunwa ya Davida, aye Lesa wibemenyamo bena Isalela Mupulushi Yesu, monka mwayila mulaye wanji.

Byubilo 3:26

Lesa byo amusangwile wamwingilo wanji, wamutumine kwi anweba patanshi, na kwimupesha, amba anweba bonse muvundamine ku bubi bwenu.”

Byubilo 4:12

“Kabiji lupulukilo lujitu monka mwi aye, pakuba kechi paji jizhina jikwabo muno munshi japewa mu bantu jo twafwainwa kupulukilamo ne.”

Byubilo 5:31

Aye uno yenka, Lesa wamutumbijikile ku kuboko kwanji kwa kilujo amba, ekale Ntangi ne Mupulushi, ebape bena Isalela lulapilo ne lulekelo lwa mambo.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

1 Yoano 1:7

Pakuba umvwe twenda mu kyeya byonka byo aji Aye mu kyeya, tuji mu lumvwang'ano atweba bene na bene, ne mashi a Yesu Mwananji etutokesha ku bundengamambo bonse.

1 Yoano 3:5

Kabiji anweba mwayuka amba aye wamwekele amba afumye bubi kabiji amba mwi aye kechi muji bubi ne.

Lumwekesho 7:14

Amiwa namukumbwile namba, “Nkambo, anweba mwayuka.” Ne aye wang'ambijile amba, “Bano bo boba bafuma mu oa malwa akatampe, ne kovwa baovwa bivwalo byabo, ne kwibitokesha mu mashi a Mwana Mukooko.