Mateo 1:20 - KNTP

²⁰ Kabiji byo a kilangulukilenga byo byo, ponkapo malaika wa Nkambo wamwekele mu kiloto amba, “Obewa Yosefwa, mwana Davida, kuchiina kumulaajika Maliya ke mukazhobe ne. Mambo awa ye a imita munda mwanji ye wa kwa Mupashi Wazhila.

Mateo 1:20 Iomraidhean Croise

Mateo 1:18

Kabiji kusemwa kwa Yesu Kilishitu kwajinga byonkabye. Inanji Maliya byo bamwipangwizhe kwi Yosefwa, kasa bakyangye kwilaajika, bamumwene kasa a imita jiimi ja ku Mupashi Wazhila.

Mateo 2:12

Kabiji byo bebajimwine kwi Lesa mu kiloto amba, “Kechi mubwele kwi Heloda ne,” babwelele kwabo mu jishinda jikwabo.

Mateo 2:13

Kabiji byo bafumineko, ponkapo malaika wa Nkambo wamwekele kwi Yosefwa mu kiloto ne kumwambila amba, “Buuka, utwale mwana ne inanji, unyemene mu Ijipita, ukekale monka poso nkakubuule, mambo Heloda ukakeba mwana amba, amwipaye.”

Mateo 2:19

Kabiji byo afwile Heloda, ponkapo malaika wa Nkambo wamwekele mu kiloto kwi Yosefwa mu Ijipita,

Mateo 2:22

Kabiji pakumvwa amba, Alakeleusa wamuswana shanji Heloda, walama kyalo kya Yudea, wachiine kuyako. Kabiji byo bamujimwine kwi Lesa mu kiloto, wasezhezhe ne kwiya mu kyalo kya Ngalilea

Mateo 27:19

Kabiji byo aikajile pa kipona kya kije, mukazhanji watumine jiwi kwi aye amba, “Mumuleketu ao muntu waoloka, mambo leelo namulabukila byatama byavula.”

Mateo 28:5

Ne malaika wibambijile banabakazhi amba, “Kechi mube moyo ne mambo nayuka namba mubena kumukeba Yesu, ye bapopele pa musalabu.

Luka 1:19

Ne malaika wamwambijile amba, “Amiwa yami Ngabaliela, ng'imana ku meso a Lesa, kabiji natumwa na kwisamba ne obewa, ne kukubuula ano mambo awama.

Luka 2:4

Ne Yosefwa naye wafumine mu Nazala, muzhi wa mu Ngalilea, kuya ku Yudea muzhi wa Davida, watelwa amba Betelema, mambo wajinga wa mu kisaka kya kwa Davida.

Byubilo 5:19

Bino kimye kya bufuku malaika wa Nkambo washinkwile binzhilo bya kaleya, wibalupwilemo, ne kwibakambizha amba,

Lumwekesho 19:7

Tusekele ne kusangalala kukatampe, tumutumbijike aye! Mambo kusongola kwa Mwana Mukooko kwafika ne mukazhanji winengezha kala.