Mako 9:4 - KNTP

⁴ Kabiji kwamwekele ba Elaija ne Mosesa kasa besamba ne Yesu.

Mako 9:4 Iomraidhean Croise

Mateo 11:13

Ke pakuba buku wa mizhilo ne bangauzhi ba Lesa bonse baawilenga na Mupashi kufika ne kwi Yoano;

Mako 9:3

ne bivwalo byanji bya alukile kebibembele, byatokeshatu too! Kafwako sendwe wa pano pantanda wakonsha kwibitokesha byonkabyo ne.

Mako 9:5

Kabiji Petelo wamwambijile Yesu amba, “Laabi, pano pantu petuwamina kwikala! Tushimike matente asatu, umo wenu, mukwabo wa kwa Mosesa, ne mukwabo wa kwa Elaija.”

Luka 24:27

Ne kutatwila kwi Mosesa ne bonse bangauzhi, Yesu wi balumbulwijile mu binembelo byonse bintu byaamba pe aye mwine.

Luka 24:44

Ponkapo wibambijile amba, “Bino byo byambo byami byo nemwambijile byo nakijinga nenu namba, kyafwainwa byonse bifike byanembelwa amiwa mu buku wa mizhilo wa Mosesa ne mu wa bangauzhi ne mu Masalamo.”

Luka 9:19

Ne abo bamukumbwile amba, “Yoano Mubatishi, bino bakwabo amba, Elaija, ne bakwabo amba, umo wa mu bangauzhi bakala wasanguka.”

Yoano 5:39

Mukebakeba mu binembelo, mambo mulanguluka amba, byo bimupa bumi bwa myaka, nanchi ibyo binshimuna amiwa!

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.