Mako 9:1 - KNTP

¹ Kabiji wibambijile amba, “Kine nemubuula namba, po baji bamo baimana pano bakabula kumona lufu nangwa pacheche poso bakamone bufumu bwa Lesa bwafika na bulume.”

Mako 9:1 Iomraidhean Croise

Mateo 16:28

Kine nemubuula namba, po baji bamo baimana pano, bakabula kumona lufu nangwa pacheche ne, poso bakamone Mwana Muntu kasa eya mu bufumu bwanji.”

Mateo 24:30

Kabiji ponkapo kikamweka kiyukilo kya Mwana Muntu mwiulu, kabiji mikoka yonse ya pano panshi ikajila miteto, bakamumona Mwana Muntu kasa eya mu makumbi a mwiulu na bulume ne na lukumo lukatampe.

Mateo 25:31

“Mwana Muntu byo akeya mu lukumo lwanji, na bamalaika bonse pamo, ukekala pa jitanda janji ja lukumo,

Mako 13:26

Kabiji ponkapo bakamona Mwana Muntu kasa eya mu makumbi na bulume bukatampe ne lukumo.

Mako 13:30

Kine nemwambila namba, kino kisemi kechi kikapite ne, poso bino byonse bikafike.

Luka 2:26

Kabiji kya mubujilwe kala ku Mupashi Wazhila amba, kechi akamone lufu ne poso patanshi aka mumone Kilishitu ye alayile Nkambo.

Luka 22:18

Mambo nemwambila namba kufuma ku ja leelo kechi nkatoma a bipangwa bya ming'anzang'anza ne, poso byo bukafika bufumu bwa Lesa.”

Luka 22:30

Namba mukaje ne kutoma ku tebulu wami mu bufumu bwami; kabiji mukekala pa matanda na kuchiba mambo a mikoka jikumi na ibiji ya bena Isalela.”

Luka 9:27

Kine nemubuula namba, po baji baimana pano bakabula kumona lufu nangwa pacheche ne, poso bakamone bufumu bwa Lesa.”

Yoano 21:23

Ponkapo ano mambo akumbene mu balongo babo amba, awa mwana wabwanga kechi ukafwa ne, bino Yesu kechi wamwambijile amba, kechi akafwe ne, wa ambile amba, “Inge nasaka namba, ekale poso nkeye, nanchi o mambo enu nyi?”

Bahebelu 2:9

Bino twamumona aye Yesu, ye bapelwile ka kimye kacheche kukila bamalaika, kasa avwikwa na lukumo ne buneme na mambo a lufu lo amanamine, amba monka mu bupe bwa Lesa ebatompele lufu bantu bonse.