Mako 8:12 - KNTP

¹² Ne aye waikizhe kyefu mu muchima wanji ne kwamba amba, “Mambo ka kino kisemi kikeba kiyukilo? Kine ne mwambila namba, kafwako kiyukilo kikapanwa ku kyo kino kisemi ne.”

Mako 8:12 Iomraidhean Croise

Mateo 12:38

Ponkapo bamo banembeshi ne Bafaliseo ba mwambijile amba, “Mufunjishi, tusaka kumona kiyukilo kwi anweba.”

Mateo 16:4

Kisemi kibi ne kya bukende kikeba kiyukilo. Bino kechi kikapewa kiyukilo ne, poso kiyukilo kya Yona.” Ponkapo wibashiile kaye.

Mako 3:5

Kepo aye wibatajile na bukaji, kasa afichishiwa ku muchima na mambo a kukosa kwa michima yabo, wamwambijile muntu amba, “Tanyika kuboko kobe.” Ponkapo wikutanyikile, ne kuboko kwanji kwabwelele ke kutuntulu.

Mako 6:6

Ne aye wa kuminye, mambo a milengulwila yabo. Kabiji wapitang'enenga mu mizhi yonse na kufunjisha.

Mako 7:34

Ponkapo watajile mwiulu ne kwikizha kyefu, ne kumwambila amba, “Efafata,” Kokuuba amba, “ashinkuke!”

Mako 8:13

Ponkapo wibashiile, wankajijile jibiji mu bwato ne kwabukila ku bushiya bwa kizhiba.

Mako 9:19

Kabiji Yesu wibakumbwile amba, “Anweba kisemi kyabula lwitabilo! Bimye binga byo nkekala? Bimye binga byo nkemutekela muchima? Muleetai kwi amiwa.”

Luka 19:41

Byo afwenyenye pepi, ne kumona muzhi, aye wamujijile,