5 Kabiji Bafaliseo ne banembeshi ba mwipwizhe amba, “Mambo ka baana benu babwanga kechi balama mizhilo ya bashakulu ne, byo baja kwakubula kowa ku maboko?”
Kabiji be babuula kala mambo a kwa anweba amba, mubena kufunjisha Bayudea bonse bamu Bangentila amba, baleke bisela bya kwa Mosesa, ne kwibatwezha baana babo mu kisela kya mukanda, nangwa kulondela bisela byetu ne.
Kabiji amba ekale shanja ba mu mukanda, kechi abo bajitu mu mukanda ne, kana bonka balondela mungayo ya lwitabilo lwa shetu Abulahama loajinga naalo kasa akyangye kutwela mu mukanda.
Kabiji mu kupandawila kwa Bayudea amiwa ne bakijile bakwetu bavula bona esakene naabo bamu mukoka wetu, byo naubishetu mukoyo wa ku bisela bya bashakulu betu.
Anweba bakwetu, twimukambizha mu jizhina ja Nkambo yetu Yesu Kilishitu namba, mwabane naabo bonse balongo betu mwi Nkambo abo baikala na bukope bwa kwingila, ne kulondela mafunjisho o twimufunjishe atweba ne.