Mako 7:2 - KNTP

² abo bamwene bamo baana banji babwanga sa baja na maboko a zhilululwa, ko kuba amba, kwakubula kowa ku maboko.

Mako 7:2 Iomraidhean Croise

Mateo 15:2

“Mambo ka baana benu babwanga bazhilulwila mizhilo ya bashakulu? Mambo kechi bowa ku maboko pa kuja kajo ne.”

Mako 7:5

Kabiji Bafaliseo ne banembeshi ba mwipwizhe amba, “Mambo ka baana benu babwanga kechi balama mizhilo ya bashakulu ne, byo baja kwakubula kowa ku maboko?”

Luka 11:38

Mufaliseo wakuminye byo amwene amba kechi waowele kumaboko kasa akyangye kuja ne.

Byubilo 10:28

Ne aye wibambijile amba, “Anweba mwayuka amba, kizhila mu Yudea kwilamika ku wa mu mukoka ungi, nangwa kumupempulatu ne; bino aye Lesa wambuula amiwa amba, kechi utele muntu amba watu ne, nangwa amba, wazhila ne.

Byubilo 11:8

Pakuba amiwa namba, ‘Akyo ne, Nkambo! Mambo kechi napishishepo kala mu kanwa kami kyatu kya kijejeje nangwa kyazhila ne.’

Loma 14:14

Amiwa nayuka, kabiji nayukishatu mwi Nkambo Yesu, namba kafwako nangwa kimo kyabipa akyo kine ne; poso kwi yewa ulanguluka amba, kyabipa, kwi aye yenka kikekala ke kyabipa.

Bahebelu 10:29

Pakuba anweba mwalanguluka byepi na mambo a lukabisho lukamufwainwa muntu ulengulula Mwana Lesa ne kulengulula mashi a lulayang'ano o azhijikilwamo amba, o atu kabiji umuba mwenga aye Mupashi wa Lesa wa bupe, kechi lukakijishemotu mu kukatazha nenyi?

Lumwekesho 21:27

Bino kechi mukatwela nangwa pachechetu kintu kyatama, nangwa aye uba bya bunya ne kubepa bubela ne, poso bonka banembwa mu buku wa bumi wa Mwana Mukooko.