Mako 6:2 - KNTP

² Ne byo jafikile juba ja Sabado watatwile kufunjisha mu shinagoga. Ne bavula pa kumumvwa bakuminye bingi ne kwipuzha amba, “Lelo bino bintu wibifumya pi? Kabiji wapewa byepi ano maana? Ne ino mingilo ya bulume yoabena kwingila na maboko anji yayila muka?

Mako 6:2 Iomraidhean Croise

Mateo 4:23

Kabiji Yesu wapitang'enenga monse mu Ngalilea, na kufunjisha mu mashinagoga abo, kasa asapwila Mambo Awama a bufumu, ne kubuka misango yonse ya bikola ne ya bulema mu bantu.

Mateo 7:28

Yesu byo apwishishe kwamba bino, mabumba akuminye bingi kufunjisha kwanji.

Mako 1:39

Ne aye wayile mu Ngalilea monse, kasa asapwila mu mashinagoga ne kupangamo bademona mu bantu.

Mako 10:1

Kabiji wafumineko ne kuya mumande a mu Yudea bushiya bwa mukola wa Yodano, ne mabumba apwijile jibiji kwi aye. Kabiji byonka byo akelwanga kuuba, watatwile kwibafunjisha.

Luka 2:47

Ne bonse bamumvwine bakuminye maana anji ne mikumbu yanji.

Luka 4:15

Kabiji wibafunjishenga mu mashinagoga abo, kasa atakaikwa ku bonse.

Yoano 6:42

Ne abo ba ambile amba, “Nanchi uno kechi ye Yesu, mwana Yosefwa nyi? Bashanji ne bainanji twibayuka. Pano wa ambilaka byo byo amba nafuma mwiulu?”

Yoano 7:15

Kepo Bayudea bakuminye amba, “Nanchi uno wayuka byepi mabuku, kasa abujile kwiafunda?”