Mako 4:6 - KNTP

⁶ kabiji pa kusaama juba yasokelwe, na mambo a kubula kwikizha mizhazhi, yaumine.

Mako 4:6 Iomraidhean Croise

Mateo 13:6

Bino pa kusaama juba yasokelwe, na mambo a kubula kwikizha mizhazhi yaumine.

Mako 4:5

Ne nkunwa ikwabo yaponejile pa kibangabwe, pabula kuzhika mushiji. Ne kumena yamenene, mambo kechi pajinga mushiji wazhika ne,

Mako 4:7

Ne nkunwa ikwabo yaponejile mu miba, kabiji miba pa kukoma yatatankenye nkunwa, ya kankelwe ne kusema.

Efisesa 3:17

namba Kilishitu ekale monka mu michima yenu na lwitabilo. Pa kutabilamo ne kushimikwa ponka pa butemwe bwa Lesa,

Kolose 2:7

Kasa mwatabilamo ne kushimikwa monka mwi Aye, ne kukoselamo mu lwitabilo lwenu, monka mo bemufunjishishe. Kasa muvuzha kusanta.

2 Tesalonika 2:10

kabiji ne na bujimbijimbi bwa misango yonse yabipa bwa kujimbaika aba babena konaika, mambo bakaine kutemwa bukine amba bapuluke.

Yakoba 1:11

Mambo juba jiseela na kyuya kyajo ne kumisha nsono; ne buluba bwayo bwakunchika, ne buuya bwa musango wayo bwaonaika. Byonkabyo ne aye munonshi ukazhimang'ana mu kwendaenda kwanji.

Yuda 1:12

Bano bantu yo mikunko yafyamika mu bijiilo byenu bya butemwe byo baja nenu, bo basaka kwijiisha bene kwakubula bumvu, o makumbi abula mema, atwalwa na mwela, byo bichi bya kisalo byabula bipangwa, byaumishatu, byazhujika ne mizhazhi.

Lumwekesho 7:16

Kechi bakomvwa nzala jibiji ne, nangwa kumvwa kilaka ne, ne mute nangwa kyuya kechi bikebakatazha ne,