Mako 4:5 - KNTP

⁵ Ne nkunwa ikwabo yaponejile pa kibangabwe, pabula kuzhika mushiji. Ne kumena yamenene, mambo kechi pajinga mushiji wazhika ne,

Mako 4:5 Iomraidhean Croise

Mateo 13:20

Ne aba bakushiwa nkunwa ya pa bibangabwe, bo boba bomvwa mambo, ponkapo beatambula ne kwiasekelela,

Mako 4:4

Kabiji byo a kushilenga nkunwa, imo yaponejile mu jishinda, ne bang'onyi baishile ne kwiija.

Mako 4:6

kabiji pa kusaama juba yasokelwe, na mambo a kubula kwikizha mizhazhi, yaumine.

Luka 8:13

Ne yoya ya pa kibangabwe bo boba, pa kwiomvwa mambo, beatambula na lusekelo. Bino abo kechi baji na mizhazhi ne; betabila ka kimye kacheche, ne mu bimye bya lweseko babwela mu nyuma.

Luka 8:6

Ne ikwabo yaponejile pa kibangabwe, ne byo yakomene, yaumine mambo kechi yaji na mema ne.