Mako 4:16 - KNTP

¹⁶ Kabiji bano pamo byonkabyo bo boba bakushiwa nkunwa ya pa kibangabwe. Abo pa kwiomvwa mambo ponkapo be asekelela.

Mako 4:16 Iomraidhean Croise

Mateo 13:5

Kabiji ikwabo yaponejile pa bibangabwe, pabula kuzhika mushiji. Ne kumena yamenene pabula mushiji wazhika.

Mako 4:15

Nkunwa yakushiwa mu jishinda bo bo bano, pa kwiomvwa Satana wiya ponkapotu, ne kwangata mambo akushiwa mwi abo.

Mako 4:17

Nanchi byo babula mizhazhi mwi abo bene, bakoselamo kakimye kacheche, kabiji pakumweka bya malwa nangwa bya kupatwa na mambo a ano mambo, ponkapo betuntula.

Mako 6:20

Aye Heloda wamuchiinenga Yoano, byo ayukile amba wajinga muntu waoloka ne wazhila, wa mulamine bulongo. Kabiji Heloda watemenwe kuteleka byambo bya kwa Yoano na lusekelo nangwa wakatazhiwe bingi mu muchima wanji, pa kumumvwa.

Luka 8:13

Ne yoya ya pa kibangabwe bo boba, pa kwiomvwa mambo, beatambula na lusekelo. Bino abo kechi baji na mizhazhi ne; betabila ka kimye kacheche, ne mu bimye bya lweseko babwela mu nyuma.

Yoano 5:35

Aye Yoano wajinga nobe lampi watemenenga ne kuuba kyeya, kabiji anweba mwaswile kusekela mu kyeya kyanji mu kimye kimo.

Byubilo 26:28

Ne Agilipa wa ambijile Paulo amba, “Mu kimye kicheche wakonsha kungitabizha amba, ngaluke ke mwina Kilishitu nyi?”

Byubilo 8:13

Ne aye Shimona waitabijile, kabiji byo abatizhilwe waikajilenga ne Filipa. Ne byo amwene biyukilo ne mingilo ya bulume ikatampe byaubilwenga, wakuminye.