Mako 3:5 - KNTP

⁵ Kepo aye wibatajile na bukaji, kasa afichishiwa ku muchima na mambo a kukosa kwa michima yabo, wamwambijile muntu amba, “Tanyika kuboko kobe.” Ponkapo wikutanyikile, ne kuboko kwanji kwabwelele ke kutuntulu.

Mako 3:5 Iomraidhean Croise

Mateo 12:13

Ponkapo wamwambijile awa muntu amba, “Tanyikai kuboko kwenu.” Ne aye wikutanyikile; ne kuboko kwakosele ke kutuntulu, pamo na kukwabo.

Mako 3:4

Kabiji wibambijile amba, “Lelo nanchi kizhila kuuba kyawama pa juba ja Sabado nyi, inyi kyatama? Kupulusha mweo nyi, inyi kwipaya?” Bino abo bazhindaminetu nzoo.

Luka 13:15

Pakuba Nkambo wamukumbwile amba, “Anweba ba kamfutumfutu! Bonse kechi mukasulula ng'ombe wenu nangwa mbongolo wenu mu kipaka ne kumutwala ku mema mu juba ja Sabado nenyi?

Luka 17:14

Byo ebamwene wibambijile amba, “Yainga mukemweshe ku bang'anga.” Ne byo bayilenga babukilwe.

Luka 6:10

Ne pa kwibatala bonse wamwambijile muntu amba, “Tanyikai kuboko kwenu.” Ne aye waubile byonkabyo, ne kuboko kwanji kwabwelele ke kutuntulu.

Yoano 9:7

ne kumwambila amba, “Yainga, kowai mu kizhiba kya Shiloma” (kulumbulula ko kuuba amba, “Kutumwa.”) Ponkapo kaye ne kuya, ne kowa waowele, ne pa kubwela kamone.

Loma 11:25

Anweba bakwetu, kechi nasaka namba mulube kino kyafyamika ne, kuchiina amba mwaketota mu maana enu anweba bene. Namba kukosa kwa michima ya bena Isalela bamo kwibaponena, poso kuvula kwa Bangentila kukafike.

2 kolinda 3:14

Bino michima yabo yakoseshiwe, mambo kufika ne ku juba ja lelo, pa kutanga lulayang'ano lwakala yonkaya mbuutwa ikiji ponka, mambo aya mbutwa ivwetulwapotu mwi Kilishitu.

Efisesa 4:18

mambo maana abo a aluka ke a mfishi, kabiji bebabanya ku bumi bwa Lesa na bulubi bo baji naabo na mambo a kukosa kwa michima yabo.

Efisesa 4:26

“Nangwa mwazhingila kechi mulenge mambo ne” kechi muleke juba jizhike kasa mwazhingila ne.

Efisesa 4:30

Kabiji kechi mu mufichishe ku muchima aye Mupashi Wazhila wa Lesa ne, mwi aye mo mwabikilwe kayukilo ka kufika ne ku juba ja bukuuzhi.

Bahebelu 3:10

Onkao mambo ne kizhingijile akya kisemi, kabiji na ambile namba, ‘Bakelwa kuya mungi mu michima yabo; kabiji kechi bayuka mashinda ami ne.’

Bahebelu 3:17

Kabiji ba ng'anyi ba muzhingijishe myaka makumi ana mungyetu? Ke bonkaba balengele mambo, ne mibiji yabo yaponene ne kufwila mungyetu.

Bahebelu 5:9

Kabiji byo alumbulwilwe, waalukile ke mwine wa lupulukilo lwa myaka ku bonse bamukookela.

Lumwekesho 6:16

Kabiji ba ambijile mitumba ne mabwe amba, “Tuponenai, mwitufye ku meso a yewa waikala pa jitanda, ne ku bukaji bwa Mwana Mukooko!