Mako 3:11 - KNTP

¹¹ Ne boba bajinga na bapashi babipa byo bamumwenenga, baponenenga panshi mu kyenyi kyanji, kasa babijika amba, “Yenu Mwana Lesa!”

Mako 3:11 Iomraidhean Croise

Mateo 14:33

Ne abo bajinga mu bwato bamupopwejile amba, “Kine, anweba mwi Mwana Lesa.”

Mateo 4:3

Ne Diabola pa kwiya wamwambijile amba, “Umvwe mwi Mwana Lesa, ambilai ano mabwe aluke ke bashinkwa.”

Mateo 4:6

ne kumwambila amba, “Umvwe wi Mwana Lesa, witaye obewa mwine panshi, mambo kyanembwa amba, “Ukakambizha bamalaika banji, na mambo a obewa amba bakakusenda mu maboko abo, kuchiina amba waketuntula kuulu kobe ku jibwe.”

Mateo 8:29

Ponkapo, babijikile amba, “Ikika kyo tusakuuba nenu, anweba Mwana Lesa? Mwaiya kuno na kwitumanyika kimye kasa kikyangye kufika nyi?”

Mateo 8:31

Kabiji bademona bamusashijile amba, “Umvwe mwitupangemo, mwitutume tukatwele mu jitanga ja bankumba.”

Mako 1:1

Ntendekelo ya Mambo Awama a Yesu Kilishitu, Mwana Lesa.

Luka 4:41

Ne bademona nabo bafumine mu bantu bavula, kasa babijika amba, “Anweba mwi Mwana Lesa!” Bino aye wibakambizhe ne kwibakanya amba kechi bambe ne, mambo bamuyukile amba ye Kilishitu.

Luka 8:28

Byo a mumwene Yesu, wabijikile ne kuponena panshi mu kyenyi kyanji ne kubijika na jiwi jikatampe amba, “Lelo nanchi ikika kyo musaka kwi amiwa, Yesu Mwana Lesa Mwine Wakila? Ne musashijila namba, kechi mu mmanyike ne!”

Byubilo 16:17

Aye wamulondejilenga Paulo ne atweba kasa abijikisha amba, “Bano bantu bo bakalume ba Lesa Mwine Wakila, bemubuula jishinda ja lupulukilo.”

1 Kolinda 11:34

Umvwe muntu wafwa nzala, ajiile jimo ku nzubo, namba kupwila kwenu kechi kwikale kwa kuleeta luzhachisho ne. Bikwabo byashalaapo nkebyolola byo nkeya.

Yakoba 2:19

Obewa waitaba amba Lesa ye umo, wauba bulongo! Bademona nabo byobyo baitaba, kasa bazakama.