Mako 16:1 - KNTP

¹ Kabiji pakupita juba ja Sabado, Maliya waku Magadala ne Maliya inaji Yakoba, ne Salome bapotele binunka bulongo amba bakayeko bakamushinge.

Mako 16:1 Iomraidhean Croise

Mako 14:3

Kabiji byo ajinga mu Betani mu nzubo ya kwa Shimona wa mbumba, kasa aikala na kuja, kwaishile mwanamukazhi na musashi wa alabasita wa manyi a naada, a mutengo mukatampe, ponkapo walajile musashi ne kumwitulwila Yesu pa mutwe wanji.

Mako 14:8

Aye wauba kyo akonsha kuuba, wanshingila jimo manyi mubiji wami mambo a kunengezhezha jimo kwa kuzhiikwa kwami.

Mako 15:40

Kabiji kwajinga ne banabakazhi kwalepa kasa batajisha. Mwi abo mwajinga Maliya waku Magadala, ne Maliya inanji Yakoba wa mwanyike, ne Yosesa, ne Salome.

Mako 15:42

Kabiji byo jafikile ke mabanga, byo jajinga juba ja kunengezhezha jimo, (ko kuuba amba, juba ja kunyuma na ja Sabado),

Mako 15:47

Maliya waku Magadala ne Maliya inaji Yosesa bamwene kobamubikile.

Mako 16:2

Ne pa juba jitanshi ja mulungu abo baimene lukelokelo, pa kuseela juba kebaye ku kilende.

Mako 16:8

Ne byo balupukile banyemeneko ku kilende, mambo bazakaminenga ne kukumya bingi, ne kwamba kechi ba ambile kintu nangwa kimo ku muntu ne, mambo baubile moyo.

Luka 23:54

Aja juba jajinga ja kunengezhezha jimo bya kijiilo, ne juba ja Sabado jafwenyenye ke pepi.

Luka 23:56

Kabiji byo babwelele banengezhezhe jimo binunka bulongo ne manyi. Kabiji mu juba ja Sabado ba kokolokele monka mwayila mukambizho.

Luka 24:1

Bino pa juba jitanshi ja mulungu, kumakyamakya, bayile ku kilende, kasa basenda binunka bulongo byo banengezhezhe jimo.

Yoano 19:25

Kabiji ku musalabu wa Yesu kwaimene inanji, ne mulongo wa inanji, ne Maliya muka Kileopasa, ne Maliya wa ku Magadala.

Yoano 19:31

Aja juba byo jajinga ja kunengezhezha jimo bya kijiilo ponkapo Bayudea balombele Pilato amba, bebachimaune maulu, bebafumyepo, mibiji yabo kechi ikale pa musalabu mu juba ja Sabado ne (mambo aja juba ja Sabado jajinga janeema).