Mako 10:2 - KNTP

² Kabiji Bafaliseo baishile kwi aye na kumweseka ne kumwipuzha amba, “Kana kizhila mwanamulume kukana mukazhanji nyi?”

Mako 10:2 Iomraidhean Croise

Mateo 15:12

Kepo baana babwanga baishile ne kumwambila amba, “Mwayuka amba betuntula Bafaliseo pakumvwa ao mambo nyi?”

Mateo 16:1

Kabiji kwaishile Bafaliseo ne Basadusea, kasa bamweseka na kumulomba amba ebamweshe kiyukilo kya mwiulu.

Mateo 19:3

Kabiji Bafaliseo baishile kwi aye na kumweseka amba, “Lelo nanchi kizhila mwanamulume kukana mukazhanji pa mambo aji onse nyi?”

Mateo 22:35

Kepo umo wa kwabo, shayuka wa mizhilo, wamwesekele pa kumwipuzha amba,

Mateo 23:13

“Pano malwa enu, anweba banembeshi ne Bafaliseo, ba kamfutumfutu! Mambo mwibashinkila bantu ku bufumu bwa mwiulu, mambo kechi mutwela anweba bene ne, nangwa kwibaleka basaka kutwela amba batwele ne.”

Mateo 9:34

Pakuba Bafaliseo ba ambile amba, “Wibapangamo bademona na bulume bwa mukulumpe wabo.”

Mako 10:1

Kabiji wafumineko ne kuya mumande a mu Yudea bushiya bwa mukola wa Yodano, ne mabumba apwijile jibiji kwi aye. Kabiji byonka byo akelwanga kuuba, watatwile kwibafunjisha.

Mako 10:3

Ne aye wibakumbwile amba, “Mosesa wimukambizhizhe amba ka?”

Mako 8:11

Ba Faliseo baishile ne kutatula kupachika naji, ne kumwipuzha amba, tusaka kiyukilo kya mwiulu, mambo a kumweseka.

Mako 8:15

Ne aye wibambijile amba, “Tekanyai, kabiji jimukai ku mbizho ya Bafaliseo ne mbizho ya kwa Heloda.”

Luka 11:39

Ponkapo Nkambo wamwambijile amba, “Pano anweba Bafaliseo movwatu pangye ya katomeno ne muchiba; pakuba mukachi kenu mwayula butanyi ne bubi.

Luka 16:14

Bafaliseo batemwa mali, byo baumvwine bino bintu byonse, abo bamwendelekele.

Luka 5:30

Bino Bafaliseo ne banembeshi babo banyinyichilenga ku baana banji babwanga amba, “Mambo ka kyo mujiila ne kutoma na basonkeshi ne na bandengamambo?”

Luka 6:7

Kabiji banembeshi ne Bafaliseo bamutajilenga amba, bamone kana usa kumubuka mu juba ja Sabado, pakuba amba, bamone mwa kumushiina.

Luka 7:30

Bino Bafaliseo ne bafunjishi ba mizhilo bakaine kyafukwile kwibobila Lesa ne kukana kubatizhiwa kwi Yoano.

Yoano 11:47

Ponkapo bang'anga bakatampe ne Bafaliseo baikajile kije, ne kwamba amba, “Tube byepi? Mambo uno muntu ubena kuba biyukilo byavula!

Yoano 11:57

Byonkabyo bang'anga bakatampe ne Bafaliseo bakambizhizhe kala amba, inge muntu wayuka ko aji, etubuule tukamukwate.

Yoano 7:32

Ne bafaliseo ba umvwine jibumba sa jimunyinyita na bino bintu, kepo bang'anga bakatampe ne bafaliseo batumine bakalama amba bakamukwate.

Yoano 7:48

Pajipo ndamakyalo nangwa Mufaliseo wamwitabila nyi?

Yoano 8:6

Ba ambile bibye na kumweseka amba, tumone mwa kumushiina, pakuba Yesu wanyeng'amine ne kunemba panshi na munwe wanji.

1 Kolinda 10:9

Nangwa kumweseka Nkambo byo bamwesekele abo bamo ne, kabiji baipayilwe ku milolo.