Mako 1:7 - KNTP

⁷ Ne aye wasapwijilenga amba, “Panyuma yami pa bena kwiya umo wankila bulume. Mikanda ya makwabilo anji kechi nafikilamo kubandama ne kwiikasulula ne.

Mako 1:7 Iomraidhean Croise

Mateo 3:11

Amiwa nemubatizha mu mema, lubatizhilo lwa lulapilo, pakuba ao undondela panyuma yami wankila bulume, amiwa kechi nafwainwa nangwatu kumusendela makwabilo anji ne. Aye ukemubatizha na Mupashi Wazhila ne na mujilo.

Mateo 3:14

Pakuba Yoano wamukainye amba, “Amiwa yami nafwainwa kubatizhiwa kwi anweba, bino kabiji anweba mwaiya byepi kwi amiwa?”

Mako 1:6

Yoano wavwajile bivwalo byalengwa na boya bwa ngamela, kabiji wanyingile ne mukwandala wa kiseba mukifuka kyanji, kabiji wa janga nzhiye ne buki bwa mungye.

Mako 1:8

Amiwa nemubatizha na mema, pakuba aye ukemubatizha na Mupashi Wazhila.”

Luka 3:16

Ponkapo Yoano wibakumbwile bonse amba, “Amiwa kine nemubatizha na mema, pakuba wankila bulume ubena kwiya. Mikanda ya makwabilo anji amiwa kechi nafikilamo kwiikasulula ne. Aye ukemubatizha na Mupashi Wazhila ne na mujilo.

Yoano 1:27

ye yewa undondela panyuma, mikanda ya makwabilo anji kechi nafwainwa kwiikasulula ne.”

Byubilo 13:25

Kabiji Yoano byo ayilenga na kupwisha kikonkwanyi kyanji, wibambijile amba, “Anweba mundanguluka amba, amiwa ne ng'anyi? Amiwa kechi yami iye ne. Pakuba talai, panyuma yami peya umo, makwabilo a ku maulu anji amiwa kechi nafwainwa kwiakasulula ne.”

Byubilo 19:4

Ne Paulo wibambijile amba, “Yoano wabatizhilenga na lubatizhilo lwa lulapilo, kasa ebambila bantu amba, bamwitabile awa wamulondejile panyuma, aye Yesu.”