Mako 1:21 - KNTP

²¹ Kabiji batwelele mu Kapenama, ponkapo mu juba ja Sabado watwelele mu shinagoga kafunjishe.

Mako 1:21 Iomraidhean Croise

Mateo 4:13

Ne pa kufuma mu Nazala, waishile na kwikala mu Kapenama uji ku kizhiba, mu kyalo kya Zebuluna ne Nafitali.

Mateo 4:23

Kabiji Yesu wapitang'enenga monse mu Ngalilea, na kufunjisha mu mashinagoga abo, kasa asapwila Mambo Awama a bufumu, ne kubuka misango yonse ya bikola ne ya bulema mu bantu.

Mako 1:20

Kabiji ponkapo wibechile, ne abo bashiile shabo Zebede mu bwato naba mingilo ke bamulondele.

Mako 1:29

Kabiji Yesu pa kulupuka mu Shinagoga pamo na baana banji babwanga, bakatwelele ne Yakoba ne Yoano mu nzubo ya ba Shimona ne Andeleo.

Mako 1:33

Ne bonse ba mu muzhi bapwijile konka ku kibelo kya nzubo.

Mako 1:39

Ne aye wayile mu Ngalilea monse, kasa asapwila mu mashinagoga ne kupangamo bademona mu bantu.

Mako 10:1

Kabiji wafumineko ne kuya mumande a mu Yudea bushiya bwa mukola wa Yodano, ne mabumba apwijile jibiji kwi aye. Kabiji byonka byo akelwanga kuuba, watatwile kwibafunjisha.

Mako 2:1

Pakupita moba amo watwelele jibiji mu Kapenama ne nkuwa yanji yaumvwanyikile amba uji mu nzubo.

Mako 3:1

Ponkapo Yesu watwelele jibiji mu shinagoga, mwaji muntu wajinga na kuboko kwapapa.

Mako 6:2

Ne byo jafikile juba ja Sabado watatwile kufunjisha mu shinagoga. Ne bavula pa kumumvwa bakuminye bingi ne kwipuzha amba, “Lelo bino bintu wibifumya pi? Kabiji wapewa byepi ano maana? Ne ino mingilo ya bulume yoabena kwingila na maboko anji yayila muka?

Luka 10:15

Ne obewa, Kapenama! Ukasuntulwa kufika mwiulu nyi? Bakakwikizha panshi.”

Luka 13:10

Kabiji Yesu wafunjishenga mushinagoga imo mu juba ja Sabado.

Luka 4:16

Kabiji waishile ku Nazala, konka ko akomejile. Kabiji byonka byo akelwanga kuuba, wayile ku shinagoga mu juba ja Sabado, ne kwimana waimene amba atange.

Luka 4:23

Ne aye wibambijile amba, muka ng'ambila kino kishimpi amba, “Obewa ng'anga ibuke obewa mwine,” abya byo twaumvwine byo mwaubile mu Kapenama, mwibyube ne muno mu muzhi wenu.

Byubilo 17:2

Kabiji monka mwayijile kisela kyanji aye Paulo watwelelenga mu mashinagoga mo bajinga, wisambilenga naabo mu binembelo moba a sabado asatu,

Byubilo 18:4

Kabiji waipuzhang'enenga na bantu mu shinagoga moba onse a Sabado, kasa eseka kwibetabizha Bayudea ne Bagiliki.