Lumwekesho 9:14 - KNTP

¹⁴ Kasa jimwambila awa malaika wa butanu na bumo wajinga na ntolompita amba, “Kasulula aba bamalaika bana bakaswa ku mukola mukatampe Ufelata!”

Lumwekesho 9:14 Iomraidhean Croise

Lumwekesho 16:12

Kabiji malaika wa butanu na umo naye waitulwijile muchiba wanji pa mukola mukatampe Ufelata. Ponkapo ne mema anji aumine, amba jishinda ja bamfumu bakafuma ku musela jinengezhiwe jimo.

Lumwekesho 7:1

Pakupita bibye, namwene bamalaika bana kasa baimana ku makonka ana a pano pantanda, kasa bakwata luvula luna lwa pano pantanda amba, kafwako luvula nangwa lumo lupuupe pano pantanda, nangwa pa kalunga, nangwa pa bichi ne.

Lumwekesho 7:2

Kabiji namwene ne malaika mukwabo kasa akanjila kufuma ko jiseelela juba, kasa aji na kayukilo ka Lesa mumi. Ponkapo aye wabijikile na jiwi jikatampe kwi aba bamalaika bana bo bapeele kwiyuba bibi ntanda ne kalunga

Lumwekesho 8:2

Kabiji namwene aba bamalaika batanu na babiji bemana ku meso a Lesa, kabiji bebapele matolompita atanu na abiji.

Lumwekesho 8:6

Ne aba bamalaika batanu na babiji bajinga na matolompita atanu na abiji benengezhe kwiemba.

Lumwekesho 9:15

Ne aba bamalaika bana bebakasulwile, bonkaba bo batongwejile jimo akya kimye ne juba, ne ng'ondo, ne mwaka amba, bakepaye lubaji lumo lwa pa lubaji lusatu lwa bantu.