Lumwekesho 8:7 - KNTP

⁷ Malaika mutanshi waimbile, ponkapo ke mvula wa mabwe ne mujilo, byavwangakana na mashi, byaelelwe pantanda. Ne lubaji lumo lwa pa lubaji lusatu lwa pantanda lwapiile, ne lubaji lumo lwa pa lubaji lusatu lwa bichi nabyo lwapiile, ne nsono yonse yatalala nayo yapiile.

Lumwekesho 8:7 Iomraidhean Croise

Yakoba 1:11

Mambo juba jiseela na kyuya kyajo ne kumisha nsono; ne buluba bwayo bwakunchika, ne buuya bwa musango wayo bwaonaika. Byonkabyo ne aye munonshi ukazhimang'ana mu kwendaenda kwanji.

1 Petelo 1:24

Mambo, “Bonse bantu baji pamo nobe nsono, Ne lukumo lwabo lonse luji pamo nobe buluba bwa nsono. Nsono yuma, ne buluba bulakata,

Lumwekesho 12:4

Ne luminzo wanji wakokele lubaji lumo lwa pa lubaji lusatu lwa tubangabanga twa mwiulu, ne kwitutaya pantanda. Kabiji aye nsung'unyi waimene mu kyenyi kya mwanamukazhi, yenkawa wasakile kusema, amba pa kusema mmine mwananji.

Lumwekesho 16:2

Ponkapo mutanshi wayile, nakwitulwila muchiba wanji pa ntanda. Ponkapo bilonda byakatazha ne bya misongo bibafikijile bantu baji na kayukilo kayewa lukinyama, ne bapopwela kipashang'ano kyanji.

Lumwekesho 16:21

Ne mvula wa mabwe akatampe afumine mwiulu ebaponejile bantu. Ao mabwe kunema kwao, jimo kampe pamo na lutalenta. Ne bantu ke bamunene Lesa bya mwenga na mambo a yeo mwalo wa mvula wa mabwe, mambo ao mwalo wajinga mukatampe mwine.

Lumwekesho 6:8

Kabiji namwene mbili watubuluka. Ne aye waikalapo, jizhina janji wajinga Lufu, ne Kalunga ka bafu kamulondejile panyuma. Kabiji bebapele luusa lwa pa lubaji lumo lwa pa lubaji luna lwa pano pantanda, lwa kwipaya na mpoko, ne na nzala, ne na mwalo, ne na banyama bakaji ba pano pantanda.

Lumwekesho 7:1

Pakupita bibye, namwene bamalaika bana kasa baimana ku makonka ana a pano pantanda, kasa bakwata luvula luna lwa pano pantanda amba, kafwako luvula nangwa lumo lupuupe pano pantanda, nangwa pa kalunga, nangwa pa bichi ne.

Lumwekesho 9:15

Ne aba bamalaika bana bebakasulwile, bonkaba bo batongwejile jimo akya kimye ne juba, ne ng'ondo, ne mwaka amba, bakepaye lubaji lumo lwa pa lubaji lusatu lwa bantu.

Lumwekesho 9:18

Lubaji lumo lwa pa lubaji lusatu lwa bantu lwaipayilwe na ino myalo; ko ku mujilo ne ku bwishi ne ku kibiliki, byafumine mutunwa twabo.

Lumwekesho 9:4

Kabiji beyambijile amba, kechi yonaune nsono ya pantanda ne, nangwa bikwabo byatalala ne, nangwa bichi ne, poso bonkaba bantu babula kayukilo ka Lesa pa bilungi byabo.