Lumwekesho 8:5 - KNTP

⁵ Kabiji aye malaika, byo ashikwile kambabula, wikayuzhizhe na mujilo wa pa kyakusokelapo byakufutumuna ne kumusukumwina pano pantanda. Ponkapo kwajinga kilulumo, ne mawi, ne kubeesha, ne kitentanshi.

Lumwekesho 8:5 Iomraidhean Croise

Mateo 24:7

Mambo mukoka ukemeena mukoka mukwabo, ne bufumu bukemeena bufumu bukwabo, kabiji kukekala bipowe bya nzala ne bitentanshi kwavula.

Luka 12:49

“Naishile kutaya mujilo pano pantanda, kabiji kyo nasakisha namba inge wa ambuka kala!

Byubilo 16:26

Kabiji ponkapo kwaishile kitentanshi kikatampe, kyakuuba ne bitendekesho bya nzubo ya kaleya byasunkene. Ne ponkapotu binzhilo byonse byashinkukile, ne byo bebakashileko bonse byakasulukile.

Byubilo 4:31

Ponkapo byo balombele, ne momwa mobapwijile mwasunkene, ne bonse bayujile na Mupashi Wazhila, ke bambetu mambo a Lesa na kuchinchika.

Lumwekesho 11:13

Kabiji mu kyonkakya kimye kwajinga kitentanshi kikatampe, ne lubaji lumo lwa mu lubaji jikumi lwa muzhi lwaponene, kabiji kwafwile bantu 7,000 na kitentanshi, ne bashajilepo baubile moyo, ke batumbijike Lesa wa mwiulu.

Lumwekesho 11:19

Ponkapo nzubo yazhila ya Lesa iji mwiulu beishinkwile, kabiji kwamwekele mu nzubo yazhila jikwachi jazhila ja mulaye wanji. Ponkapo ke kubesha, ne mawi, ne bilulumo, ne kitentanshi, ne mvula mukatampe wa mabwe.

Lumwekesho 4:5

Kabiji ne mu jitanda mwalupukile kubeesha, ne mawi, ne bilulumo. Ne malampi atanu ne abiji a mujilo atemenenga ku meso a jitanda, yo mipashi itanu na ibiji ya Lesa.

Lumwekesho 6:12

Kabiji byo ashinkwile kateetesho ka butanu na bumo, ponkapo namwene kitentanshi kikatampe, ne juba jaalukile ke jifiita nobe jisaka ja boya, ne ng'ondo yense waalukile nobe mashi.

Lumwekesho 8:3

Kabiji malaika mukwabo waishile na kwimana ku kyakusokelapo byakufutumuna, wajinga na kambabula ka ngolode. Bamupele byakufutumuna byavula, amba avwange na milombelo ya bazhijikwa bonse pa kyakusokelapo byakufutumuna kya ngolode kyajinga ku meso a jitanda.