Lumwekesho 8:10 - KNTP

¹⁰ Ne malaika wa busatu naye waimbile, ponkapo mwiulu mwaponene kabangabanga kakatampe, kasa kateema nobe nsoko, kaponejile pa lubaji lumo lwa pa lubaji lusatu lwa mikola, ne pa masulo patupauka mema.

Lumwekesho 8:10 Iomraidhean Croise

Mateo 25:1

“Bufumu bwa mwiulu bwapashang'ana pamo nobe bazhike jikumi, basendele malampi abo, balupukile ke baye na kumutundaila musongoshi.

Luka 10:18

Ne aye wibambijile amba, “Namwene Satana byo aponene kufuma mwiulu nobe kubeesha kwa mvula.

Yuda 1:13

O manyaki akaji a kalunga auba ne kapofu ka bumvu bwabo, to tubangabanga tupitang'ana to balamina kufiita kwa mfishi ya myaka ne myaka.

Lumwekesho 1:20

Bino akya kyafyamika kya atwa tubangabanga tutanu na tubiji to wajikumona mu kuboko kwami kwa kilujo, ne abya bitulwapo malampi bitanu na bibiji bya ngolode, byo byo bino; atwa tubangabanga tutanu na tubiji bo bamalaika ba byobya bipwilo bitanu na bibiji, kabiji abya bitulwapo malampi bitanu na bibiji byo bipwilo bitanu na bibiji.”

Lumwekesho 12:4

Ne luminzo wanji wakokele lubaji lumo lwa pa lubaji lusatu lwa tubangabanga twa mwiulu, ne kwitutaya pantanda. Kabiji aye nsung'unyi waimene mu kyenyi kya mwanamukazhi, yenkawa wasakile kusema, amba pa kusema mmine mwananji.

Lumwekesho 14:7

Ne aye wa ambile na jiwi jikatampe, amba, “Akamwai Lesa ne kumupa lukumo! Mambo kimye kya kije kyanji kyafika. Mupopwelai aye walengele mwiulu ne ntanda ne kalunga ne masulo a mema atupauka!”

Lumwekesho 16:4

Kabiji wa busatu waitulwijile muchiba wanji pa mikola ne pa masulo a mema atupauka, ne mema aalukile ke mashi.

Lumwekesho 6:13

Ne tubangabanga twa mwiulu twaponene panshi, pamo nobe mukuyu ukunta makuyu anji abishi byo bamusunkenya ku kipuupu kikatampe.

Lumwekesho 8:7

Malaika mutanshi waimbile, ponkapo ke mvula wa mabwe ne mujilo, byavwangakana na mashi, byaelelwe pantanda. Ne lubaji lumo lwa pa lubaji lusatu lwa pantanda lwapiile, ne lubaji lumo lwa pa lubaji lusatu lwa bichi nabyo lwapiile, ne nsono yonse yatalala nayo yapiile.

Lumwekesho 9:1

Ne malaika wa butanu naye waimbile. Namwene kabangabanga ka mwiulu kaponejile pantanda, kabiji bamupele kii wa kalengwa kabuula kupela.

Lumwekesho 9:15

Ne aba bamalaika bana bebakasulwile, bonkaba bo batongwejile jimo akya kimye ne juba, ne ng'ondo, ne mwaka amba, bakepaye lubaji lumo lwa pa lubaji lusatu lwa bantu.

Lumwekesho 9:18

Lubaji lumo lwa pa lubaji lusatu lwa bantu lwaipayilwe na ino myalo; ko ku mujilo ne ku bwishi ne ku kibiliki, byafumine mutunwa twabo.