Lumwekesho 7:17 - KNTP

¹⁷ mambo aye Mwana Mukooko uji mukachi ka jitanda ukekala kafunga wabo, kabiji ukebatangijila kuji masulo atupauka a mema a bumi. Ne aye Lesa ukashiimuna mipolo yonse ku meso abo.”

Lumwekesho 7:17 Iomraidhean Croise

Mateo 2:6

“Kabiji obewa Betelema wa mu kyalo kya Yuda, kechi wi mucheche wa mu binemanga bya mu Yuda ne. Mambo monka mobe mukafuma mfumu, ye ukekala kafunga wa bantu bami bena Isalela.”

Mateo 5:4

Bajila majilo bo batokwa; mambo bakatekeneshiwa!

Yoano 10:11

“Amiwa ne kafunga wawama, kafunga wawama welela mikooko mweo wanji.

Yoano 10:14

Amiwa ne kafunga wawama, bami nebayuka, ne bami nabo bangyuka.

Yoano 4:10

Kumvwa Yesu amba, “Umvwe wajikuyuka akya kipana Lesa, ne aye ubena kukulomba amba, mpepo mema ntome inge wajikumulomba aye, aye naye inge wajikukupa mema a bumi.”

Yoano 4:11

Mwanamukazhi wamwambijile amba, “Mwane, kechi muji na kya kutapulako ne, ne mushima naye wazhika, nanchi ao mema a bumi mwi afumye pi?

Yoano 4:14

pakuba awa ukatoma mema o nkamupa amiwa, kechi ukomvwa kilaka myaka ne myaka ne. Mambo aa mema o nkamupa akaaluka munda mwanji ke nsulo ya mema, kasa atupauka ne ku bumi bwa myaka.”

Byubilo 20:28

Iketai anweba bene, ne jitanga jonse, jo bemupejilepo bukulumpe kwi Mupashi Wazhila, amba mujishe kipwilo kya Lesa, kyoapotele na mashi anji mwine.

1 Petelo 5:2

Namba lamai jitanga ja Lesa jiji mwenu, kasa mwijiketa, kechi na mambo a kwimukanjikizha ne, poso na muchima wa kifyele, monka mwayila muchima wa Lesa, nangwa na mambo a mali ne, poso na muchima yense.

Lumwekesho 14:4

Bano bo boba babuula kwibipisha na banabakazhi, mambo bo bakatanda babuula kusambakanapo na wa mukazhi. Bano bo boba balondela aye Mwana Mukooko konse ko aya. Bakujilwe mu bantu, amba bekale ke bya nsomo kwi Lesa ne kwi aye Mwana Mukooko.

Lumwekesho 21:22

Kabiji kechi namwenemo nzubo yazhila mu yewa muzhi ne, mambo Nkambo Lesa wa bulume bonse ne aye Mwana Mukooko, yo nzubo yanji yazhila.

Lumwekesho 21:23

Kabiji awa muzhi kechi usaka kyeya kya juba nangwa kya ng'ondo ne, mambo lukumo lwa Lesa lo lwamutokesha, ne aye Mwana Mukooko ye lampi wanji.

Lumwekesho 21:4

Kabiji aye ukashiimuna mipolo yonse ku meso abo. Ne lufu kechi lukekalako jibiji ne, nangwa mabingo, nangwa kujila, nangwa misongo kechi bikekalako jibiji ne. Bintu bitanshi byazhimang'ana.”

Lumwekesho 21:6

Kabiji wang'ambijile amba, “Byamweka kala! Amiwa ne Alefwa ne Omega, ne ntendekelo ne mpelo. Aye waumvwa kilaka amiwa nkamupapo kutoma ku nsulo ya mema a bumi atupauka a bupetu.

Lumwekesho 22:1

Kabiji aye wammwesheshe mukola wa mema a bumi, a kilola nobe kilishitala, kasa afuma mu jitanda ja Lesa ne ja Mwana Mukooko,

Lumwekesho 4:11

“Mwafwainwa anweba Nkambo yetu Lesa wetu, kutambula lukumo, ne buneme, ne bulume. Mambo anweba yenu mwalengele byonse, kabiji na mambo onka a kyaswa muchima wenu obyaikajile, obyalengejilwe.”

Lumwekesho 5:6

Kabiji namwene jitanda ne aba bomi bana, ne aba bakulumpe ne mwana mukooko kasa aimana mukachi, wamweka nobe waipayilwe, wajinga na nsengo itanu na ibiji, ne meso nao atanu na abiji, yo mipashi itanu na ibiji ya Lesa, yatumwa pano pantanda ponse.