Lumwekesho 7:15 - KNTP

¹⁵ Onkao mambo baji ku meso a jitanda ja Lesa, kabiji bamwingijila mute ne bufuku monka mu nzubo yanji. Ne aye waikala pa jitanda ukebavweta aye mwine.

Lumwekesho 7:15 Iomraidhean Croise

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

1 Kolinda 3:16

Nanchi kechi mwayuka amba, mwi nzubo ya Lesa kabiji Mupashi wa Lesa waikala mwi anweba nenyi?

2 kolinda 6:16

Kabiji nzubo yazhila ya Lesa iswang'ane byepi na bankishi? Mambo atweba twi nzubo yazhila ya Lesa mumi! Monka mwa ambijile Lesa amba, “Amiwa nkekala mwi abo, ne kwenda mwi abo. Kabiji nkekala ke Lesa wabo, ne abo nabo bakekala ke bantu bami.”

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Bahebelu 8:1

Kine kintu kikatampe kyo tubena kwamba kyo kino amba atweba tuji na Ng'anga Mukatampe, umo waikala ku kilujo kya jitanda ja Mfumu wa mwiulu.

Lumwekesho 11:19

Ponkapo nzubo yazhila ya Lesa iji mwiulu beishinkwile, kabiji kwamwekele mu nzubo yazhila jikwachi jazhila ja mulaye wanji. Ponkapo ke kubesha, ne mawi, ne bilulumo, ne kitentanshi, ne mvula mukatampe wa mabwe.

Lumwekesho 13:6

Ne aye waasamine na kumunena Lesa bya mwenga kasa aneena bya mwenga jizhina janji, ne nzubo yanji yazhila, ne bekala mwiulu.

Lumwekesho 20:10

Ne aye Diabola, yenkawa wibajimbaikile, waelelwe mu kizhiba kya mujilo ne kibiliki, monka muji aye lukinyama ne aye ngauzhi wa bubela ne abo bakamanyikwanga mute ne bufuku myaka ne myaka.

Lumwekesho 21:22

Kabiji kechi namwenemo nzubo yazhila mu yewa muzhi ne, mambo Nkambo Lesa wa bulume bonse ne aye Mwana Mukooko, yo nzubo yanji yazhila.

Lumwekesho 22:3

Kabiji mafingo kechi akekalako jibiji ne. Ne jitanda ja Lesa ne ja Mwana Mukooko jikekala monka, ne bakalume banji bakamwingijilanga.

Lumwekesho 22:5

Ne bufuku kechi bukekalako ne, kabiji kechi bakasaka kyeya kya lampi nangwa kya juba ne, mambo Nkambo Lesa ukebapa kyeya. Kabiji bakekala mu bufumu myaka ne myaka.

Lumwekesho 4:4

Kabiji ku jitanda kwazhokolokele bipona makumi abiji ne bina, kabiji pa byobya bipona namwene bakulumpe makumi abiji ne bana, kasa baikala bavwala bivwalo bitoka, ne pa mitwe yabo pajinga minchinya ya ngolode.

Lumwekesho 4:8

Ne abo bomi bana, bonse bajinga na byapi bitanu na kimo, bakumbene ne meso monse monse, kabiji kechi bakokoloka mute nangwa bufuku ne, kasa bamba amba, “Wazhila, wazhila, wazhila, Nkambo Lesa, Wa bulume bonse, ye wajingapo, ye ujipo, kabiji ye ukekalangapo.”

Lumwekesho 4:9

Kabiji aba bomi bimye byo bapana lukumo, ne buneme, ne sante, kwi aye waikala pa jitanda, kwi aye wikala myaka ne myaka,

Lumwekesho 7:9

Pakupita bibye, ponkapo namwene jibumba jikatampe, jo babula kukonsha kubala nangwa ku muntu umo ne! Bafuma mu mikoka yonse ne mu bisaka byonse ne mu mitundu yonse ne njimi yonse ya bantu, kasa baimana ku meso a jitanda ne ku meso a Mwana Mukooko, kasa bavwala bivwalo bitoka, ne mapambo a bisonga mu maboko abo.