Lumwekesho 7:1 - KNTP

¹ Pakupita bibye, namwene bamalaika bana kasa baimana ku makonka ana a pano pantanda, kasa bakwata luvula luna lwa pano pantanda amba, kafwako luvula nangwa lumo lupuupe pano pantanda, nangwa pa kalunga, nangwa pa bichi ne.

Lumwekesho 7:1 Iomraidhean Croise

Mateo 24:31

Kabiji ukebatuma bamalaika banji na jiwi jikatampe ja ntolompita, ne abo bakebapwizha pamo basalululwa banji kwibafumya ku makonka ana a panopantanda, ne monse mwapela jiulu.

Mako 13:27

Kabiji pa kyokya kimye ukebatuma bamalaika banji ne abo bakebapwizha pamo basalululwa banji kwibafumya ku makonka ana a panopantanda, ne monse mwapela jiulu.

Lumwekesho 20:8

kabiji ukalupuka mu kwiijimbaika mikoka ya bantu ba ku makonka ana a pantanda, ko kuuba amba, Gogi ne Magogi. Mu kwibapwizha pamo ku nkondo, nambala yabo iji pamo nobe musenga wa ku kalunga.

Lumwekesho 6:6

Kabiji naumvwine nobe jiwi pakachi ka aba bomi bana amba, “Kipimo kimo kya wichi kipotwe pamutengo wabaya wa ndenali imo, ne bipimo bisatu bya mbaale nabyo bipotwe pamutengo wabaya wa ndenali imo, pakuba manyi ne binyu kechi wibyonaune ne!”

Lumwekesho 7:3

amba, “Kechi mwiyube bibi ntanda nangwa kalunga, nangwa bichi ne, poso tukapwishe kubiika kayukilo pa bilungi bya bakalume ba Lesa wetu.”

Lumwekesho 8:7

Malaika mutanshi waimbile, ponkapo ke mvula wa mabwe ne mujilo, byavwangakana na mashi, byaelelwe pantanda. Ne lubaji lumo lwa pa lubaji lusatu lwa pantanda lwapiile, ne lubaji lumo lwa pa lubaji lusatu lwa bichi nabyo lwapiile, ne nsono yonse yatalala nayo yapiile.

Lumwekesho 9:14

Kasa jimwambila awa malaika wa butanu na bumo wajinga na ntolompita amba, “Kasulula aba bamalaika bana bakaswa ku mukola mukatampe Ufelata!”

Lumwekesho 9:4

Kabiji beyambijile amba, kechi yonaune nsono ya pantanda ne, nangwa bikwabo byatalala ne, nangwa bichi ne, poso bonkaba bantu babula kayukilo ka Lesa pa bilungi byabo.