Lumwekesho 6:9 - KNTP

⁹ Kabiji byo ashinkwile kateetesho ka butanu, namwene munshi ya kyakusokelapo byakufutumuna myeo ya boba bo baipayile na mambo a byambo bya Lesa, ne na mambo a kulama bukamonyi bwabo.

Lumwekesho 6:9 Iomraidhean Croise

Yoano 16:2

Bakemupanga mu mashinagoga, kine ne juba jibena kwiya jo bakalanguluka bonse bemwipaya amba babena kwingijila Lesa.

2 kolinda 5:8

Twa amba namba, twachinchika, kabiji twaswa kwikala kungi na mubiji, ne kwikala kwetu konka kuji aye Nkambo.

Filipai 1:23

Bantabakanya ku bintu bibiji. Byo nasaka kuya na kwikala ne Kilishitu, mambo kino kyakijisha mu kuwama;

Filipai 2:17

Nangwa inge nkechilwa nobe mulambo pa kitapisho kya mingilo yenu ya lwitabilo lwa kwi Lesa, nasekela kabiji nkasekela pamo ne anweba.

2 Timoti 1:8

Byonkabyo obewa kechi wikuubile bumvu kushimuna ko umushimuna Nkambo yetu ne, nangwa kungubila bumvu amiwa kaili wanji ne. Bino manama pamo ne amiwa mu Mambo Awama monka mwayila bulume bwa Lesa.

2 Timoti 4:6

Mambo amiwa katataka mbena kuya na kwichilwa nobe mulambu, ne kimye kya kuyijijila kwami kyafika.

Bahebelu 12:23

Ne ku kukonkana kwa bonse ne ku kipwilo kya babeji banembwa mwiulu. Ne kwi Lesa uchiba mambo a bonse ne ku mipashi ya bantu baoloka balumbululwa.

Lumwekesho 1:2

Yenka washimwine mambo a Lesa, ne byambo bya ambile Yesu Kilishitu, ne bintu byonse byo amwene.

Lumwekesho 1:9

Amiwa Yoano, mulongo wenu, ne wa kushilang'ena nenu mu bya malwa ne mu bufumu, ne mu butekanye, biji mwi Yesu. Najinga pa jikuji jo bateela amba, Patamosa na mambo a busapwishi bwa mambo a Lesa ne bukamonyi bwa Yesu.

Lumwekesho 14:18

Ne malaika mukwabo walupukile mu kyakusokelapo byakufutumuna, ye uji na luusa lwa pa mujilo. Ne aye wabijikile na jiwi jikatampe kwiyewa wajinga na kikwakwa kyatwa amba, “Tuma kikwakwa kyobe kyatwa, uchibe bizanze bya mung'anzang'anza wa pano pantanda, mambo mang'anzang'anza anji apiisha kala!”

Lumwekesho 16:7

Naumvwine kyakusokelapo byakufutumuna kasa kyamba amba, “Kine, Nkambo Lesa, wa bulume bonse! Bunchiba mambo bwenu bo bwakine kabiji bwaoloka!”

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.

Lumwekesho 2:13

nayuka ko waikala, konka kuji jitanda ja Satana. Kabiji wakwachisha jizhina jami, ne kukana lwitabilo lwa mwi amiwa ne, nangwa mu moba a Antipasa kamonyi wami, muntu wami wakishinka, ye baipayile mwi anweba, monka mwaikala Satana.

Lumwekesho 20:4

Kabiji namwene matanda, ne baikajilepo bo bapele luusa lwa kuchiba mambo. Kabiji namwene myeo ya boba batapilwe na mambo a bukamonyi bwa Yesu, ne na mambo a mambo a Lesa. Ne abo babujile kupopwela awa lukinyama, nangwa kipashang'ano kyanji, ne kutambula kayukilo pa kilungi nangwa pa kuboko ne. Baikajile na bumi jibiji ne kwikala na bufumu pamo ne Kilishitu myaka 1,000.

Lumwekesho 8:3

Kabiji malaika mukwabo waishile na kwimana ku kyakusokelapo byakufutumuna, wajinga na kambabula ka ngolode. Bamupele byakufutumuna byavula, amba avwange na milombelo ya bazhijikwa bonse pa kyakusokelapo byakufutumuna kya ngolode kyajinga ku meso a jitanda.

Lumwekesho 9:13

Kabiji aye malaika wa butanu na bumo naye waimbile, ponkapo naumvwine jiwi jafumine ku nsengo ina ya ku kyakusokelapo byakufutumuna kya ngolode kiji ku meso a Lesa.