Lumwekesho 6:12 - KNTP

¹² Kabiji byo ashinkwile kateetesho ka butanu na bumo, ponkapo namwene kitentanshi kikatampe, ne juba jaalukile ke jifiita nobe jisaka ja boya, ne ng'ondo yense waalukile nobe mashi.

Lumwekesho 6:12 Iomraidhean Croise

Mateo 11:21

“Malwa obe, Kolazeni! Malwa obe, Betesaida! Mambo umvwe mingilo ya bulume yaingijilwe mwenu, inge yamwekele mu Tila ne mu Shidona, umvwe balapijile kala ne kuvwala bisapi bya majilo ne kwipukula buto!

Mateo 24:29

“Kabiji ponkapotu pakupita aa malwa, juba jikaaluka ke mfishi, ne ng'ondo naye kechi ukakema ne, ne tubangabanga twa mwiulu tukaponanga, ne bya bulume bya mwiulu bikasunkeena.

Mateo 24:7

Mambo mukoka ukemeena mukoka mukwabo, ne bufumu bukemeena bufumu bukwabo, kabiji kukekala bipowe bya nzala ne bitentanshi kwavula.

Mateo 27:45

Kabiji kufuma pa kushinkimana juba kwaishile mfishi yakumbene ponse pano pantanda, kufika ne pa kulemba juba.

Mateo 27:54

Kabiji mukulumpe wa bashilikale, ne abo bo ajinga naabo na kumutala Yesu, pa kwikimona kitentanshi, ne bintu byaubilwe, ke moyo mukatampe amba, “Kine uno wajinga Mwana Lesa!”

Mateo 28:2

Kabiji ponkapo kwajinga kitentanshi kikatampe, mambo malaika wa Nkambo waikijile mwiulu kwiya na kwalumunako jibwe, waikajile ne ponka pa jibwe.

Mako 15:33

Pa kushinkimana juba kwaishile mfishi yakumbene ponse pantanda, kufika ne pa kulemba juba.

Lumwekesho 11:13

Kabiji mu kyonkakya kimye kwajinga kitentanshi kikatampe, ne lubaji lumo lwa mu lubaji jikumi lwa muzhi lwaponene, kabiji kwafwile bantu 7,000 na kitentanshi, ne bashajilepo baubile moyo, ke batumbijike Lesa wa mwiulu.

Lumwekesho 16:18

Ponkapo kwajinga kubeesha, ne mawi, ne bilulumo, ne kitentanshi kikatampe. Kyakuuba, monka mwaikela bantu pano pantanda, kechi kyamwekelepo kitentanshi kikatampe kya bulume bwine kya byonkabyo ne.

Lumwekesho 16:8

Ne wa buna waitulwijile muchiba wanji pa juba. Ne juba bejiswishishe kwibasoka bantu butuchila na kyuya.

Lumwekesho 8:12

Ne aye malaika wa buna naye waimbile. Ne lubaji lumo lwa pa lubaji lusatu lwa juba lwapuminwe, ne lwa ng'ondo, ne lwa tubangabanga; amba lubaji lumo lwa pa lubaji lusatu lwabyo byaluke ke bifiita, ne juba kechi jube mute lubaji lumo lwa pa lubaji lusatu lwajo ne, ne bufuku nabo byonkabyo.

Lumwekesho 8:5

Kabiji aye malaika, byo ashikwile kambabula, wikayuzhizhe na mujilo wa pa kyakusokelapo byakufutumuna ne kumusukumwina pano pantanda. Ponkapo kwajinga kilulumo, ne mawi, ne kubeesha, ne kitentanshi.