Lumwekesho 5:8 - KNTP

⁸ Kabiji byo atambwile awa buku, ponkapo aba bomi bana ne aba bakulumpe makumi abiji ne bana, baponene mu kyenyi kya aye mwana mukooko, bonse kasa baji na byansa pa muntu pa muntu, ne michiba ya ngolode yayula byakufutumuna, yo milombelo ya bazhijikwa.

Lumwekesho 5:8 Iomraidhean Croise

Yoano 1:29

Byo bwakiile lukelo Yoano wamwene Yesu kasa eya ko aji, kabiji wa ambile amba, “Talai, Mwana Mukooko wa Lesa, ye ufumya bundengamambo bwa ba pano pantanda!

Yoano 5:23

amba, bonse bamunemeke Mwana, byonka byo banemeka Shanji. Wabula kunemeka Mwana ye wabula kunemeka ne Shanji wamutuma.

Bahebelu 1:6

Kabiji byo a amba na mambo a kuleeta jibiji mubeji wanji pano pantanda, Aye wa amba amba, “Bamalaika bonse ba Lesa bamupopwele.”

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 15:2

Ponkapo namwene nobe kalunga ka kilola byavwangakana na mujilo. Kabiji namwene ne aba bashinjile awa lukinyama, ne kipashang'ano kyanji, ne nambala ya jizhina janji, kasa baimana ku kalunga ka kilola, kasa baji na byansa bya Lesa.

Lumwekesho 15:7

Ne umo wa boba bomi bana wibapele aba bamalaika batanu na babiji michiba ya ngolode itanu na ibiji yayula na bukaji bwa Lesa, yenka waikala myaka ne myaka.

Lumwekesho 19:4

Ponkapo abo bakulumpe makumi abiji na bana ne aba bomi bana balambile panshi ne kupopwela Lesa waikala pa jitanda amba, “Amena! Aleluya!”

Lumwekesho 4:10

aba bakulumpe makumi abiji ne bana baponena mu kyenyi kya yewa waikala pa jitanda, kabiji bamupopwela aye wikala myaka ne myaka, ne kutaya minchinya yabo ku meso a jitanda amba,

Lumwekesho 4:4

Kabiji ku jitanda kwazhokolokele bipona makumi abiji ne bina, kabiji pa byobya bipona namwene bakulumpe makumi abiji ne bana, kasa baikala bavwala bivwalo bitoka, ne pa mitwe yabo pajinga minchinya ya ngolode.

Lumwekesho 4:6

Kabiji ku meso a jitanda, kwamwekele nobe kalunga ka kilola, kyapasha jibwe ja kilishitala. Ne ku jitanda kwazhokolokele bomi bana bakumbana meso, kulutwe ne kunyuma.

Lumwekesho 4:8

Ne abo bomi bana, bonse bajinga na byapi bitanu na kimo, bakumbene ne meso monse monse, kabiji kechi bakokoloka mute nangwa bufuku ne, kasa bamba amba, “Wazhila, wazhila, wazhila, Nkambo Lesa, Wa bulume bonse, ye wajingapo, ye ujipo, kabiji ye ukekalangapo.”

Lumwekesho 5:11

Kabiji namwene, ne kumvwa naumvwine jiwi ja bamalaika bavula bingi! Bazhokolokele jitanda ne aba bomi ne aba bakulumpe. Kabiji pa kwibabala bajinga jibumba jikatampe ja kukankalwa kubala,

Lumwekesho 5:12

kasa bamba na jiwi jikatampe amba, “Aye Mwana Mukooko waipayilwe ye wafwainwa kutambula bulume, ne bunonshi, ne maana, ne ngovu, ne buneme, ne lukumo, ne lutakaiko!”

Lumwekesho 5:14

Ne aba bomi bana ba ambile amba, “Amena!” Ponkapo ne aba bakulumpe baponene panshi na kupopwela.

Lumwekesho 5:6

Kabiji namwene jitanda ne aba bomi bana, ne aba bakulumpe ne mwana mukooko kasa aimana mukachi, wamweka nobe waipayilwe, wajinga na nsengo itanu na ibiji, ne meso nao atanu na abiji, yo mipashi itanu na ibiji ya Lesa, yatumwa pano pantanda ponse.

Lumwekesho 6:1

Kabiji namwene aye Mwana Mukooko byo ashinkwile katetesho kamo ka atwa tuteetesho tutanu na tubiji, kabiji naumvwine umo wa mu boba bomi bana kasa amba na jiwi nobe ja kilulumo amba, “Iya!”