Lumwekesho 5:6 - KNTP

⁶ Kabiji namwene jitanda ne aba bomi bana, ne aba bakulumpe ne mwana mukooko kasa aimana mukachi, wamweka nobe waipayilwe, wajinga na nsengo itanu na ibiji, ne meso nao atanu na abiji, yo mipashi itanu na ibiji ya Lesa, yatumwa pano pantanda ponse.

Lumwekesho 5:6 Iomraidhean Croise

Luka 1:69

Witwimenya lusengo wa lupulukilo mu kisaka kya kalume wanji Davida,

Yoano 1:29

Byo bwakiile lukelo Yoano wamwene Yesu kasa eya ko aji, kabiji wa ambile amba, “Talai, Mwana Mukooko wa Lesa, ye ufumya bundengamambo bwa ba pano pantanda!

Yoano 1:36

wamwene Yesu byo apichilenga ne kwamba amba, “Talai, ye Mwana Mukooko wa Lesa!”

Byubilo 8:32

Pene poatangilenga mu binembelo, po pa byo bino byambo amba, “Bamutwajile nobe mukooko ye basaka kwipaya, byonka bizhindama mwana mukooko mu kyenyi kya bamutenda boya, byonkabyo ne aye kechi wa asamikile kanwa kanji amba ng'ambe ne.

Lumwekesho 1:4

Amiwa Yoano ku abya bipwilo bitanu na bibiji biji mu Asha. Bupe ne mutende bifuma kwi aye ujiipo, kabiji wajingapo, kabiji ukekalangapo, kabiji bifuma ne ku mipashi itanu na ibiji iji ku meso a jitanda janji,

Lumwekesho 12:11

Kabiji bamushinjile na mambo a mashi a Mwana Mukooko, ne na mambo a byambo bya kushimuna kwabo, kabiji kechi batemenwe myeo yabo amba twakafwa ne.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 14:1

Kabiji namwene Mwana Mukooko kasa aimana pa mutumba wa Ziona, na bantu 144,000, bajinga na jizhina janji ne jizhina ja Shanji, anembwa pa bilungi byabo.

Lumwekesho 17:14

Bano bakalwa ne aye Mwana Mukooko, ne aye Mwana Mukooko ukebashinda, mambo aye ye Nkambo wa bankambo, ne Mfumu wa bamfumu. Ne abo boaji naabo pamo bo bantu baitwa, basalululwa, bakishinka.”

Lumwekesho 21:22

Kabiji kechi namwenemo nzubo yazhila mu yewa muzhi ne, mambo Nkambo Lesa wa bulume bonse ne aye Mwana Mukooko, yo nzubo yanji yazhila.

Lumwekesho 21:23

Kabiji awa muzhi kechi usaka kyeya kya juba nangwa kya ng'ondo ne, mambo lukumo lwa Lesa lo lwamutokesha, ne aye Mwana Mukooko ye lampi wanji.

Lumwekesho 22:1

Kabiji aye wammwesheshe mukola wa mema a bumi, a kilola nobe kilishitala, kasa afuma mu jitanda ja Lesa ne ja Mwana Mukooko,

Lumwekesho 22:3

Kabiji mafingo kechi akekalako jibiji ne. Ne jitanda ja Lesa ne ja Mwana Mukooko jikekala monka, ne bakalume banji bakamwingijilanga.

Lumwekesho 4:8

Ne abo bomi bana, bonse bajinga na byapi bitanu na kimo, bakumbene ne meso monse monse, kabiji kechi bakokoloka mute nangwa bufuku ne, kasa bamba amba, “Wazhila, wazhila, wazhila, Nkambo Lesa, Wa bulume bonse, ye wajingapo, ye ujipo, kabiji ye ukekalangapo.”

Lumwekesho 5:11

Kabiji namwene, ne kumvwa naumvwine jiwi ja bamalaika bavula bingi! Bazhokolokele jitanda ne aba bomi ne aba bakulumpe. Kabiji pa kwibabala bajinga jibumba jikatampe ja kukankalwa kubala,

Lumwekesho 5:12

kasa bamba na jiwi jikatampe amba, “Aye Mwana Mukooko waipayilwe ye wafwainwa kutambula bulume, ne bunonshi, ne maana, ne ngovu, ne buneme, ne lukumo, ne lutakaiko!”

Lumwekesho 5:13

Ne bilengwa byonse biji mwiulu, ne pano pantanda, ne munshi ya ntanda, ne pa kalunga ka mema, ne byonse byumi, nebyumvwine kasa byamba amba, “Kwi aye waikala pa jitanda, ne kwi aye Mwana Mukooko, kwikale lutakaiko, ne buneme, ne lukumo, ne bulobo, myaka ne myaka!”

Lumwekesho 5:14

Ne aba bomi bana ba ambile amba, “Amena!” Ponkapo ne aba bakulumpe baponene panshi na kupopwela.

Lumwekesho 6:16

Kabiji ba ambijile mitumba ne mabwe amba, “Tuponenai, mwitufye ku meso a yewa waikala pa jitanda, ne ku bukaji bwa Mwana Mukooko!