Lumwekesho 5:11 - KNTP

¹¹ Kabiji namwene, ne kumvwa naumvwine jiwi ja bamalaika bavula bingi! Bazhokolokele jitanda ne aba bomi ne aba bakulumpe. Kabiji pa kwibabala bajinga jibumba jikatampe ja kukankalwa kubala,

Lumwekesho 5:11 Iomraidhean Croise

Bahebelu 12:22

Pakuba anweba mwaiya ku mutumba wa Ziona ne ku muzhi wa Lesa mumi, Yelusalema wa mwiulu, ne ku mabumba a bamalaika ba kukankalwa ne kubalwa.

Yuda 1:14

Kabiji bo bano bo a awile Enoka, wa mukisemi kya butanu na bubiji kufuma kwi Adama amba, “Talai, Nkambo ukeya na biumbi ne biumbi bya bazhila banji

Lumwekesho 19:6

Kabiji naumvwine jiwi nobe ja jibumba jikatampe, kabiji nobe jiwi ja mema avula, kabiji nobe jiwi ja kutatauka kukatampe kwa mvula amba, “Aleluya! Mambo Nkambo Lesa wetu, wa bulume bonse waikala ke Mfumu!

Lumwekesho 4:4

Kabiji ku jitanda kwazhokolokele bipona makumi abiji ne bina, kabiji pa byobya bipona namwene bakulumpe makumi abiji ne bana, kasa baikala bavwala bivwalo bitoka, ne pa mitwe yabo pajinga minchinya ya ngolode.

Lumwekesho 4:6

Kabiji ku meso a jitanda, kwamwekele nobe kalunga ka kilola, kyapasha jibwe ja kilishitala. Ne ku jitanda kwazhokolokele bomi bana bakumbana meso, kulutwe ne kunyuma.

Lumwekesho 5:14

Ne aba bomi bana ba ambile amba, “Amena!” Ponkapo ne aba bakulumpe baponene panshi na kupopwela.

Lumwekesho 5:6

Kabiji namwene jitanda ne aba bomi bana, ne aba bakulumpe ne mwana mukooko kasa aimana mukachi, wamweka nobe waipayilwe, wajinga na nsengo itanu na ibiji, ne meso nao atanu na abiji, yo mipashi itanu na ibiji ya Lesa, yatumwa pano pantanda ponse.

Lumwekesho 5:8

Kabiji byo atambwile awa buku, ponkapo aba bomi bana ne aba bakulumpe makumi abiji ne bana, baponene mu kyenyi kya aye mwana mukooko, bonse kasa baji na byansa pa muntu pa muntu, ne michiba ya ngolode yayula byakufutumuna, yo milombelo ya bazhijikwa.

Lumwekesho 7:11

Ne bamalaika bonse kasa baimana, bazhokolokele jitanda, ne aba bakulumpe ne aba bomi bana. Kabiji baponene panshi kinkuvumene ku meso a jitanda, ke bapopwele Lesa,

Lumwekesho 9:16

Ne nzhita ya bajinga pa bambili pa kwibabala bajinga bavula bingi.