Lumwekesho 4:2 - KNTP

² Ponkapotu naji mu Mupashi. Kabiji mwiulu mwajinga jitanda, ne umo kasa aikala ponka.

Lumwekesho 4:2 Iomraidhean Croise

Mateo 22:43

Aye wibepwizhe amba, “Mambo ka aye Davida na Mupashi umutela amba Nkambo?” Amba,

Bahebelu 8:1

Kine kintu kikatampe kyo tubena kwamba kyo kino amba atweba tuji na Ng'anga Mukatampe, umo waikala ku kilujo kya jitanda ja Mfumu wa mwiulu.

Lumwekesho 1:10

Najinga mu Mupashi mu juba ja Nkambo, kabiji naumvwine kunyuma yami jiwi jikatampe, nobe ja ntolompita.

Lumwekesho 12:5

Ne aye wasemene mwana wamulume, ye ukalama mikoka yonse ya bantu na kamama ka kapotwe. Ne mwananji washikwilwe ne kutwalwa kwi Lesa, ne ku jitanda janji.

Lumwekesho 17:3

Ponkapo aye malaika wantwajile mu Mupashi mungye. Kabiji namwene mwanamukazhi kasa aikala pa lukinyama wachijisha, wajinga na mazhina a mwenga, wajinga na mitwe itanu na ibiji ne nsengo jikumi.

Lumwekesho 19:4

Ponkapo abo bakulumpe makumi abiji na bana ne aba bomi bana balambile panshi ne kupopwela Lesa waikala pa jitanda amba, “Amena! Aleluya!”

Lumwekesho 20:11

Kabiji namwene jitanda jikatampe jitoka, ne aye waikajileepo. Jiulu ne ntanda byanyemene kilungi kyanji kabiji kechi byamwene pa kwikala ne.

Lumwekesho 21:10

Kabiji aye wansendele mu Mupashi ku mutumba mukatampe walepa. Aye wammwesheshe muzhi wazhila Yelusalema, kasa ekila mwiulu kufuma kwi Lesa,

Lumwekesho 21:5

Ne aye waikala pa jitanda wa ambile amba, “Tala, na alula bintu byonse ke bipya!” Kabiji wa ambile amba, “Nemba bino, mambo byo byambo bya kishinka ne bya kine.”

Lumwekesho 3:21

Aye ushinda, amiwa nkamupa namba ekale ne amiwa pa jitanda jami, byonka byo nashinjile ne amiwa, ne kwikala naikala ne Bataata ponka pa jitanda jabo.

Lumwekesho 4:10

aba bakulumpe makumi abiji ne bana baponena mu kyenyi kya yewa waikala pa jitanda, kabiji bamupopwela aye wikala myaka ne myaka, ne kutaya minchinya yabo ku meso a jitanda amba,

Lumwekesho 4:5

Kabiji ne mu jitanda mwalupukile kubeesha, ne mawi, ne bilulumo. Ne malampi atanu ne abiji a mujilo atemenenga ku meso a jitanda, yo mipashi itanu na ibiji ya Lesa.

Lumwekesho 4:9

Kabiji aba bomi bimye byo bapana lukumo, ne buneme, ne sante, kwi aye waikala pa jitanda, kwi aye wikala myaka ne myaka,

Lumwekesho 5:1

Kabiji namwene buku mu kuboko kwa kilujo kwa yewa waikala pa jitanda, wanembwa mukachi ne pangye, ye bashinkisha na tuteetesho tutanu na tubiji.

Lumwekesho 5:13

Ne bilengwa byonse biji mwiulu, ne pano pantanda, ne munshi ya ntanda, ne pa kalunga ka mema, ne byonse byumi, nebyumvwine kasa byamba amba, “Kwi aye waikala pa jitanda, ne kwi aye Mwana Mukooko, kwikale lutakaiko, ne buneme, ne lukumo, ne bulobo, myaka ne myaka!”

Lumwekesho 6:16

Kabiji ba ambijile mitumba ne mabwe amba, “Tuponenai, mwitufye ku meso a yewa waikala pa jitanda, ne ku bukaji bwa Mwana Mukooko!