Lumwekesho 4:11 - KNTP

¹¹ “Mwafwainwa anweba Nkambo yetu Lesa wetu, kutambula lukumo, ne buneme, ne bulume. Mambo anweba yenu mwalengele byonse, kabiji na mambo onka a kyaswa muchima wenu obyaikajile, obyalengejilwe.”

Lumwekesho 4:11 Iomraidhean Croise

Byubilo 14:15

“Anweba bakwetu, mambo ka o mubila bino bintu? Ne atweba twi bantutu pamo ne anweba, twimuletela Mambo Awama, muvundamine ku bino bincha, mwalulukile kwi Lesa mumi, walengele jiulu ne ntanda, ne kalunga ka mema, ne byonsetu bijimo.

Byubilo 17:24

Lesa yenkaye walengele ntanda ne byonsetu bijimo, byo aji Nkambo wa mwiulu ne panshi, kechi wikala mu mazubo o bashimika na maboko a bantu ne.

Loma 11:36

Mambo byonse bifuma mwi aye, kabiji byalengelwe kwi aye, ne kwikala byamwikajila aye yenka. Lukumo lwikale kwi aye myaka ne myaka! Amena.

Efisesa 3:9

ne bwa kumwesha ku bantu bonse mo kwayila akwa kwingila kwa akya kyafyamika kyafyamikile myaka ne myaka mwi Lesa yenka walengele byonse,

Bahebelu 1:10

Kabiji amba, “Obewa, Nkambo, mu ntendekelo waajile kitendekesho kya pano pantanda, ne mwiulu namo, yo mingilo ya maboko obe.

Bahebelu 1:2

pakuba mu ano moba apelaako wa amba kwi atweba kupichila mu Mwananji. Yeatongwele amba ekale nswanyi wa byonse, kabiji mo mwi aye mo alengejile ntanda.

Lumwekesho 1:6

ne kwitwalula ke bufumu amba twikale ke bang'anga ba kwingijila Lesa Shanji. Kwi aye kwikale lukumo ne bulume myaka ne myaka! Amena.

Lumwekesho 10:6

kamuchipe awa wikala myaka ne myaka, aye walengele mwiulu ne bintu bijimo, ne ntanda ne bintu bijipo, ne kalunga ka mema ne bintu bijimo amba, “Kechi kwakishala kimye kikwabo kya kubanda ne!

Lumwekesho 14:7

Ne aye wa ambile na jiwi jikatampe, amba, “Akamwai Lesa ne kumupa lukumo! Mambo kimye kya kije kyanji kyafika. Mupopwelai aye walengele mwiulu ne ntanda ne kalunga ne masulo a mema atupauka!”

Lumwekesho 19:1

Pakupita bibye naumvwine nobe jiwi jikatampe ja jibumba jikatampe mwiulu, amba, “Aleluya! Lupulukilo, ne lukumo, ne bulume byo bya kwa Lesa wetu!

Lumwekesho 5:12

kasa bamba na jiwi jikatampe amba, “Aye Mwana Mukooko waipayilwe ye wafwainwa kutambula bulume, ne bunonshi, ne maana, ne ngovu, ne buneme, ne lukumo, ne lutakaiko!”

Lumwekesho 5:2

Ponkapo namwene ne malaika wakosa kasa abijika na jiwi jikatampe amba, “Ng'anyi wafwainwa kushinkula uno buku, ne kukasulula tuteetesho tujipo?”

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.