Lumwekesho 3:8 - KNTP

⁸ Nayuka mingilo yobe. Pano umvwa! Na kushinkwila kibelo kyashi ku meso obe, kafwako wakonsha kwikishinka nangwa umo ne. Nayuka namba, obewa uji na ka bulume kacheche, kabiji wakookela mafunjisho ami, ne kukana jizhina jami ne.

Lumwekesho 3:8 Iomraidhean Croise

Luka 12:9

Bino awa wankana ku meso a bantu, naye bakamukaana ku meso a bamalaika ba Lesa.”

Yoano 15:20

Vulukai byo nemwambijile namba, ‘Muzha kechi wakila nkambo yanji ne.’ Inge bampachile amiwa, kabiji bakemupata ne anweba, inge balamine byambo byami, bakalama ne byenu.

Yoano 17:6

“Nasolwele jizhina jenu kwi aba bantu bomwampele mu ba pano pantanda. Bajinga ba kwenu, ne anweba mwibampele ne abo balama mambo enu.

Byubilo 14:27

Kabiji byo bafikile, bakonkenye pamo kipwilo, bebabujile byonsetu byaubile Lesa, ne byo a shinkwijile Bangentila kibelo kya lwitabilo.

1 Kolinda 16:9

Mambo kibelo kikatampe kya kwingijilamo mingilo ikatampe kyanshinkukila, nangwa kuji balwanyi bavula.

2 kolinda 2:12

Byo naishile ku Toloasa na kusapwila Mambo Awama a Kilishitu, aye Nkambo wanshinkwijile kibelo.

Filipai 4:13

Nakonsha kuuba bintu byonse mwi aye unkosesha.

Kolose 4:3

Kasa mwitulombelela ne atweba, namba Lesa aketushinkwile kibelo kya Mambo, tukambe akya kyafyamika kya Kilishitu. Kyo nakashilwa mu kaleya amiwa.

1 Timoti 5:8

Kabiji umvwe muntu wabula kwibamwena balongo banji byafwainwa, kine ne bamunzubo yanji mwine bobene, wilukaana kala lwitabilo, wakila wabula kwitabila mukutama.

2 Timoti 4:7

Nabalwenga bulwi bwawama, napwisha kala kikonkwanyi kyami, nabalamenga lwitabilo.

Yuda 1:4

Mambo kobaji bantu bamo batwela mwi anweba bufyamfya, bonkaba bo banembejile jimo kala amba batongwelwa luno luzhachisho, babula kwakamwa Lesa, kasa baalula bupe bwa Lesa wetu ke mwakuubila bya bunya, ne kukana Mfumu wetu yenkawa umotu, aye Nkambo Yesu Kilishitu.

Lumwekesho 2:13

nayuka ko waikala, konka kuji jitanda ja Satana. Kabiji wakwachisha jizhina jami, ne kukana lwitabilo lwa mwi amiwa ne, nangwa mu moba a Antipasa kamonyi wami, muntu wami wakishinka, ye baipayile mwi anweba, monka mwaikala Satana.

Lumwekesho 2:2

nayuka mingilo yobe, ne mwingilo wobe wakosa ne butekanye bobe, ne byo wabula kwibaswa babi, kabiji byo wibesekele abo beteela amba, twi batumwa, bino kechi bo batumwa ne, kabiji wibamwene amba ba bubela.

Lumwekesho 22:7

“Kabiji umvwa! Abo ngiya bukiji! Watokwa awa ulama byambo bya mu ye uno buku wa bungauzhi!”

Lumwekesho 3:1

“Kabiji kwi aye malaika wa mu kipwilo kya mu Saladisa unembe amba; “Aye uji na mipashi itanu na ibiji ya Lesa, ne atwa tubangabanga tutanu na tubiji, wa amba bino amba, nayuka mingilo yobe, ne byo uji na jizhina nobe wi mumi, bino wi mufu!

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.

Lumwekesho 3:15

nayuka mingilo yobe, byo wabula kuuba munyango nangwa kuuba kyuya. Nasaka namba inge waji kuuba munyango nangwa kuuba kyuya!

Lumwekesho 3:7

“Kabiji kwi aye malaika wa mu kipwilo kya Filadelifya unembe amba: “Aye wazhila wa kine, ye uji na kii wa Davida, aye umvwe washinkula kafwako wakonsha kushinka ne, kabiji umvwe washinka kafwako wakonsha kushinkula ne, wa amba bino amba.