Lumwekesho 3:7 - KNTP

⁷ “Kabiji kwi aye malaika wa mu kipwilo kya Filadelifya unembe amba: “Aye wazhila wa kine, ye uji na kii wa Davida, aye umvwe washinkula kafwako wakonsha kushinka ne, kabiji umvwe washinka kafwako wakonsha kushinkula ne, wa amba bino amba.

Lumwekesho 3:7 Iomraidhean Croise

Mateo 16:19

Nkemupa bakii ba bufumu bwa mwiulu; kyo mukakasa pano pantanda ne mwiulu kikakaswa; kabiji kyo mukakasulula pano pantanda ne mwiulu kikakasululwa.”

Mateo 24:35

Jiulu ne ntanda bikapita, pakuba byambo byami kechi bikapite nangwa pachechetu ne.

Mako 1:24

Amba, “Leelo mwasaka kuubaka ne atweba, Yesu mwina Nazala? Leelo mwaiya na kwitonauna atweba nyi? Nemuyuka anweba byo muji, anweba mwi Wazhila wa Lesa!”

Luka 1:32

Aye ukekala ke mukatampe kabiji ukatelwa amba Mwana wa Mwine Wakila. Ne Nkambo Lesa ukamupa jitanda ja bufumu bwa shanji Davida,

Luka 4:34

“Mamo! Leelo musaka kuubaka ne atweba, Yesu mwina Nazala? Leelo mwaiya na kwitonauna atweba nyi? Nemuyuka byo muji, anweba mwi Wazhila wa Lesa.”

Yoano 14:6

Yesu wamukumbwile amba, “Amiwa ne jishinda, ne bukine, ne bumi, kafwako wakonsha kwiya kwi Bataata ne, poso pe amiwa.

Byubilo 3:14

Pakuba anweba mwamukaine yenkaye Wazhila ne Waoloka, mwasakile amba bemupeeko mbanzhi,

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.

Lumwekesho 1:11

Amba, “Byo wamona unembe mu buku ne kutuma ku abya bipwilo bitanu na bibiji. Ku Efisesa, ne ku Simulina, ne ku Pelegamuma, ne ku Tiyatila, ne ku Saladisa, ne ku Filadelifya, ne ku Laodikea.”

Lumwekesho 1:18

Ne wa bumi! Bino nafwiile, kabiji tala, ne mumi wa myaka ne myaka, kabiji nji na bakii ba lufu ne ba kalunga ka bafu.

Lumwekesho 1:5

kabiji bifuma ne kwi Yesu Kilishitu, kamonyi wakishinka, mutanshi kusanguka mu bafu, ye mwine mfumu wa bamfumu ba pano pantanda. Kwi aye witutemwa, ne kwitukasulula ku mambo etu na mashi anji,

Lumwekesho 15:3

Kabiji ke bembe lwimbo wa Mosesa kalume wa Lesa, ne lwimbo wa Mwana Mukooko amba, “Anweba Nkambo Lesa, wa bulume bonse, mingilo yenu yo ikatampe ne ya kukumya! Anweba Mfumu wa mikoka yonse, mashinda enu aoloka kabiji a kine.

Lumwekesho 16:7

Naumvwine kyakusokelapo byakufutumuna kasa kyamba amba, “Kine, Nkambo Lesa, wa bulume bonse! Bunchiba mambo bwenu bo bwakine kabiji bwaoloka!”

Lumwekesho 19:11

Ponkapo namwene jiulu jashinkuka, kabiji namwene mbili utoka. Aye waikajilepo jizhina janji amba Wakishinka ne Wakine, kabiji aye uchibila mambo monka mu bololoke, mo mo alwila ne nkondo.

Lumwekesho 19:2

Mambo bunchiba mambo bwanji bo bwakine ne bwaoloka! Mambo awa pite mukatampe wamuzhachisha, yenkaye wabipishenga ntanda na bulalelale bwanji. Aye Lesa washinkanya nanji na mambo a mashi a bakalume banji o aichijile na maboko anji.”

Lumwekesho 2:1

“Kwi aye malaika wa mu kipwilo kya mu Efisesa unembe amba; “Aye wakwata tubangabanga tutanu na tubiji mu kuboko kwanji kwa kilujo, ye upitang'ana mukachi ka bitulwapo malampi bya ngolode bitanu na bibiji, wa amba bino amba,

Lumwekesho 21:5

Ne aye waikala pa jitanda wa ambile amba, “Tala, na alula bintu byonse ke bipya!” Kabiji wa ambile amba, “Nemba bino, mambo byo byambo bya kishinka ne bya kine.”

Lumwekesho 3:14

“Kabiji kwi aye malaika wa mu kipwilo kya mu Laodikea unembe amba: “Aye Amena, kamonyi wakishinka ne wa kine, ye ntendekelo ya bilengwa bya Lesa, wa amba bino amba,

Lumwekesho 4:8

Ne abo bomi bana, bonse bajinga na byapi bitanu na kimo, bakumbene ne meso monse monse, kabiji kechi bakokoloka mute nangwa bufuku ne, kasa bamba amba, “Wazhila, wazhila, wazhila, Nkambo Lesa, Wa bulume bonse, ye wajingapo, ye ujipo, kabiji ye ukekalangapo.”

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.

Lumwekesho 6:10

Kabiji babijikile na jiwi jikatampe amba, “Anweba Nkambo, wazhila ne wa kine, myaka inga yo mukabula kwituchibila mambo ne kushinkanya naabo bekala pantanda na mambo mashi etu?”