Lumwekesho 3:5 - KNTP

⁵ Aye ushinda ukavwala bivwalo bitoka, ne amiwa kechi nkazhimang'anya jizhina janji mu buku wa bumi ne, kabiji nketaba jizhina janji ku meso a Bataata ne ku meso a bamalaika babo.

Lumwekesho 3:5 Iomraidhean Croise

Mateo 10:32

“Byonkabyo awa ukangitabila ku meso a bantu, ne amiwa nkamwitaba ku meso a Taata wa mwiulu.

Luka 10:20

Nangwa byonkabyo kechi musekele mambo bademona bemukookela ne, sekelai mambo mazhina enu anembwa mwiulu.”

Luka 12:8

“Nemwambila namba, awa ukangitabila ku meso a bantu, ne aye naye bakamwitaba ku Mwana Muntu ku meso a bamalaika ba Lesa.

Filipai 4:3

Ee kine, na kusashijila ne obewa mukwetu wa kine mu mwingilo namba, mwi bakwashe bano banabakazhi, mambo baingijilenga kyakosa bingi pamo ne amiwa mu Mambo Awama, pamo ne Kilemente, ne bonse bakwetu bamwingilo bona bula kutongola mazhina abo, baji na mazhina abo mu buku wa bumi.

Yuda 1:24

Pano kwi aye wakonsha kwimulama ne kwimukanya kwituntula, ne kwimwikazha monka mu kyenyi kya lukumo lwanji, kwa kubula bulema, monka mu lusekelo lukatampe.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 17:8

Awa lukinyama ye wajikumona, wajipo pakuba pano ufwapo, bino pano kasake kufuma mu kalengwa kabula kupela, ne kuya mulonaiko. Ne abo bekala pano pantanda bakakumya, bonse babulwa kunembwa mazhina mu buku wa bumi kufuma ne ku ntendekelo ya pano pantanda, byo bakatala awa lukinyama, byo ajingapo, kabiji pano ufwapo, kabiji ukamweka.”

Lumwekesho 19:8

Kabiji kyamupelwe amba avwale kisapi kya linenyi kyalamba, kyatokesha ne kuwama.” (Mambo kisapi kya linenyi kyalamba, byo byubilo byaoloka bya bazhijikwa.)

Lumwekesho 2:11

“Aye uji na matwi, omvwe byamba Mupashi ku bipwilo! Awa ushinda kechi ukamona lufu lwa bubiji ne.”

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”

Lumwekesho 20:12

Kabiji namwene bafu, bakatampe ne bacheche, kasa baimana ku meso a jitanda. Ne mabuku beazhikwile, ne buku mukwabo naye bamuzhikwile, ye buku wa bumi. Kabiji bafu bebachibijile mambo ku byonkabya bintu byanembwa mu oa mabuku, monka mwayila byo baubile.

Lumwekesho 20:15

Kabiji bonse babujilwe kunembwa mu buku wa bumi, baelelwe mu kizhiba kya mujilo.

Lumwekesho 21:27

Bino kechi mukatwela nangwa pachechetu kintu kyatama, nangwa aye uba bya bunya ne kubepa bubela ne, poso bonka banembwa mu buku wa bumi wa Mwana Mukooko.

Lumwekesho 22:19

Kabiji umvwe muntu waangatako ku byambo bya buku wa bungauzhi buno, Lesa naye ukamwangata kyanji kya ku kichi kya bumi, ne kya mu muzhi wazhila, byanembwa mu ye uno buku.

Lumwekesho 3:12

Aye ushinda, nkamwalula ke jishiki ja mu nzubo yazhila ya Lesa wami, kabiji kechi ukalupukamo ne. Ne amiwa nkanemba pe aye jizhina ja Lesa wami, ne jizhina ja muzhi wa Lesa wami, ye Yelusalema mupya, ufuma mwiulu kwi Lesa wami, ne jizhina jami jipya.

Lumwekesho 3:4

Bino uji na mazhina amo acheche mu Saladisa a baabula kubipisha bivwalo byabo. Abo bakendanga ne amiwa kasa bavwala bitoka, mambo bo bafwainwa.

Lumwekesho 6:11

Ponkapo bebapele bonse bivwalo bitoka, kabiji bebambijile amba, mukikokoloke kakimye, poso nambala ikafikile ya bakwenu ba mu mwingilo ne balongo benu bakepayiwe pamo nobe anweba.