Lumwekesho 3:4 - KNTP

⁴ Bino uji na mazhina amo acheche mu Saladisa a baabula kubipisha bivwalo byabo. Abo bakendanga ne amiwa kasa bavwala bitoka, mambo bo bafwainwa.

Lumwekesho 3:4 Iomraidhean Croise

Mateo 10:11

“Ne mu mizhi yonse yo mukatwelamo, nangwa mukatampe nangwa mucheche, mukepuzhemo muntu wafwainwa, ye mukekalangako poso mwaimana ke lwendo.

Mako 16:5

Kabiji pa kutwela mu kilende bamwene nsongwalume kasa aikala ku kilujo, kasa avwala kivwalo kyalepa kitoka, ne abo baumvwine moyo.

Luka 20:35

pakuba aba bo baketaba amba bafwainwa kufika ku yoya myaka ne ku lusanguko lwa mu bafu, abo kechi bakasongola nangwa kusongolwa ne.

Luka 21:36

Bino jimukai anweba moba onsetu ne kulomba mukakonshe kupuluka ku byobya byonse bikafika ne kwimana ku meso a Mwana Muntu.”

Byubilo 1:15

Mu oa moba Petelo waimene mukachi ka balongo banji, kwajinga jibumba ja bantu bapwijile pamo, bafikile kampe kitoota kimo ne makumi abiji, ne kwamba amba.

2 Tesalonika 1:5

Nakyo ko kayukilo kamwesha bunchiba mambo bwaoloka bwa Lesa amba, mukatelwe amba bo bafwainwa bufumu bwa Lesa, bo mumanamina ne anweba.

Yuda 1:23

ne bamo mwibapulushe, pa kwibasompola mu mujilo, kabiji bakwabo mwibobile lusa, bino kasa mujimuka. Kasa mushikwa kivwalo kyabo kyasombela na buntunshi.

Lumwekesho 1:11

Amba, “Byo wamona unembe mu buku ne kutuma ku abya bipwilo bitanu na bibiji. Ku Efisesa, ne ku Simulina, ne ku Pelegamuma, ne ku Tiyatila, ne ku Saladisa, ne ku Filadelifya, ne ku Laodikea.”

Lumwekesho 11:13

Kabiji mu kyonkakya kimye kwajinga kitentanshi kikatampe, ne lubaji lumo lwa mu lubaji jikumi lwa muzhi lwaponene, kabiji kwafwile bantu 7,000 na kitentanshi, ne bashajilepo baubile moyo, ke batumbijike Lesa wa mwiulu.

Lumwekesho 14:4

Bano bo boba babuula kwibipisha na banabakazhi, mambo bo bakatanda babuula kusambakanapo na wa mukazhi. Bano bo boba balondela aye Mwana Mukooko konse ko aya. Bakujilwe mu bantu, amba bekale ke bya nsomo kwi Lesa ne kwi aye Mwana Mukooko.

Lumwekesho 19:14

Ne mazhita a mwiulu amulondejilenga pa bambili batoka, kasa bavwala kisapi kya linenyi kyalamba, kyatokesha ne kuwama.

Lumwekesho 19:8

Kabiji kyamupelwe amba avwale kisapi kya linenyi kyalamba, kyatokesha ne kuwama.” (Mambo kisapi kya linenyi kyalamba, byo byubilo byaoloka bya bazhijikwa.)

Lumwekesho 3:18

Nakubuula namba, upote kwi amiwa ngolode yasungululwa mu mujilo, namba wikale ke munonshi, upote ne bivwalo bitoka namba wivwike, bumvu bwa bwamba bobe kechi bumweke ne, ne muchi wa kushinga pa meso obe umonenga.

Lumwekesho 3:5

Aye ushinda ukavwala bivwalo bitoka, ne amiwa kechi nkazhimang'anya jizhina janji mu buku wa bumi ne, kabiji nketaba jizhina janji ku meso a Bataata ne ku meso a bamalaika babo.

Lumwekesho 4:4

Kabiji ku jitanda kwazhokolokele bipona makumi abiji ne bina, kabiji pa byobya bipona namwene bakulumpe makumi abiji ne bana, kasa baikala bavwala bivwalo bitoka, ne pa mitwe yabo pajinga minchinya ya ngolode.

Lumwekesho 6:11

Ponkapo bebapele bonse bivwalo bitoka, kabiji bebambijile amba, mukikokoloke kakimye, poso nambala ikafikile ya bakwenu ba mu mwingilo ne balongo benu bakepayiwe pamo nobe anweba.

Lumwekesho 7:9

Pakupita bibye, ponkapo namwene jibumba jikatampe, jo babula kukonsha kubala nangwa ku muntu umo ne! Bafuma mu mikoka yonse ne mu bisaka byonse ne mu mitundu yonse ne njimi yonse ya bantu, kasa baimana ku meso a jitanda ne ku meso a Mwana Mukooko, kasa bavwala bivwalo bitoka, ne mapambo a bisonga mu maboko abo.