Lumwekesho 3:18 - KNTP

¹⁸ Nakubuula namba, upote kwi amiwa ngolode yasungululwa mu mujilo, namba wikale ke munonshi, upote ne bivwalo bitoka namba wivwike, bumvu bwa bwamba bobe kechi bumweke ne, ne muchi wa kushinga pa meso obe umonenga.

Lumwekesho 3:18 Iomraidhean Croise

Mateo 13:44

“Bufumu bwa mwiulu bwapashang'ana pamo na kintu kyakila buneme kyafyamika mu bujimi, kyoataine muntu ne kwikifya, kabiji monka mu kusekela kwanji kaye na kupotesha byonse byo aji naabyo, amba apotelemo bobwa bujimi.”

Mateo 25:9

Bino bamaana bakaine amba ‘Ine, kechi akumbane kwi atweba ne anweba pamo ne. Yainga ku bapotesha mukepotele enu.’

Luka 12:21

“Kabiji byo byo aji awa witujila bintu mwine, ne kwikala na bya bunonshi mwi aye Lesa ne.”

2 kolinda 5:3

Umvwe twavwikwa kechi tukatanwa na bwamba ne.

2 kolinda 8:9

Mambo mwayuka bupe bwa Nkambo yetu Yesu Kilishitu, amba, nangwa wajinga munonshi, byonkabyo na mambo a anweba waalukile ke muyanji amba, anweba monka mu buyanji bwanji mwaluke ke banonshi.

1 Timoti 6:18

Bafwainwa kuuba byawama, ne kwikala banonshi bamu mingilo yawama, bekale bampanyi bepana mu kukwashang'ana.

Yakoba 2:5

Umvwai balongo bami batemwe! Aye Lesa kechi wasalulwile abo bayanji ba pano pantanda ba lwitabilo amba bekale banswanyi ba bufumu boalayile kwi abo bamutemwa nenyi?

1 Petelo 1:7

Amba lwitabilo lwenu pa kwesekwa, byo lwakijisha ngolode yonaika mu buneme nangwa beyeseka mu mujilo, lukatanwe ke lwa kutotwa ne lwa lukumo ne lwa buneme byo akamweka Yesu Kilishitu.

Lumwekesho 16:15

“Umvwai! Amiwa mbena kwiya nobe ngivi! Watokwa awa ulaba ne kukenkenta ne kulama bivwalo byanji, kuchiina amba wakendanga bwamba, ne bantu bakamona bumvu bwanji!”

Lumwekesho 19:8

Kabiji kyamupelwe amba avwale kisapi kya linenyi kyalamba, kyatokesha ne kuwama.” (Mambo kisapi kya linenyi kyalamba, byo byubilo byaoloka bya bazhijikwa.)

Lumwekesho 2:9

nayuka bya malwa byobe, ne buyanji bobe, bino wi munonshi! Nayuka ne mwenga wa abo beteela amba, bo Bayudea bino kechi bo Bayudea ne, bo ba mu shinagoga ya Satana!

Lumwekesho 3:17

Mambo byo wa amba amba, ‘Amiwa ne munonshi, namona bya bunonshi byavula, kechi nakajilwa kintu nangwa kimo ne.’ Bino kechi wiyuka obewa mwine amba, wi wa mu malwa, wiulenga lusa, wi muyanji, wi mpofu, ne wa bwamba ne.

Lumwekesho 4:4

Kabiji ku jitanda kwazhokolokele bipona makumi abiji ne bina, kabiji pa byobya bipona namwene bakulumpe makumi abiji ne bana, kasa baikala bavwala bivwalo bitoka, ne pa mitwe yabo pajinga minchinya ya ngolode.

Lumwekesho 7:13

Kumvwa umo wa aba bakulumpe wangipwizhe amba, “Bano bavwala bivwalo bitoka, bo ba ng'anyi, kabiji bafuma pi?”