Lumwekesho 3:12 - KNTP

¹² Aye ushinda, nkamwalula ke jishiki ja mu nzubo yazhila ya Lesa wami, kabiji kechi ukalupukamo ne. Ne amiwa nkanemba pe aye jizhina ja Lesa wami, ne jizhina ja muzhi wa Lesa wami, ye Yelusalema mupya, ufuma mwiulu kwi Lesa wami, ne jizhina jami jipya.

Lumwekesho 3:12 Iomraidhean Croise

Mako 12:16

Kabiji bamuletejile. Ne aye wibepwizhe amba, “Lelo akye kipasha ne kinembelo kya kwa ng'anyi?” Ne abo amba, “Bya kwa Kesala.”

Ngalatiya 2:9

Kabiji abo ba Yakoba ne Kefasa ne Yoano, bonkaba batumbalele amba mapanda, byo bamwene bupe bo napelwe kwi Lesa, amiwa ne Banabasa twapakene naabo maboko a kilujo a lumvwang'ano amba, anweba muyenga ku Bangentila ne atweba tuye ku bamukanda.

Efisesa 3:15

ko kyatambula jizhina kisaka kyonse kya mwiulu ne kya pano pantanda.

Bahebelu 12:22

Pakuba anweba mwaiya ku mutumba wa Ziona ne ku muzhi wa Lesa mumi, Yelusalema wa mwiulu, ne ku mabumba a bamalaika ba kukankalwa ne kubalwa.

Bahebelu 13:14

Mambo pano kechi tujipo na muzhi wa myaka ne, bino tubena kukeba yewa ukeya.

1 Yoano 4:4

Anweba twana, mwi bakwa Lesa kabiji mwibashinda, mambo awa uji mwi anweba wamukila awa uji mu ba pano pantanda.

Lumwekesho 14:1

Kabiji namwene Mwana Mukooko kasa aimana pa mutumba wa Ziona, na bantu 144,000, bajinga na jizhina janji ne jizhina ja Shanji, anembwa pa bilungi byabo.

Lumwekesho 17:14

Bano bakalwa ne aye Mwana Mukooko, ne aye Mwana Mukooko ukebashinda, mambo aye ye Nkambo wa bankambo, ne Mfumu wa bamfumu. Ne abo boaji naabo pamo bo bantu baitwa, basalululwa, bakishinka.”

Lumwekesho 2:11

“Aye uji na matwi, omvwe byamba Mupashi ku bipwilo! Awa ushinda kechi ukamona lufu lwa bubiji ne.”

Lumwekesho 2:17

“Aye uji na matwi, omvwe byamba Mupashi ku bipwilo. Kwi aye ushinda, nkamupapo manna afyamika. Kabiji nkamupa jibwe jitoka, panembwa jizhina jipya, jo babula kuyuka bonse kana yenkaye wijitambula.”

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”

Lumwekesho 21:2

Kabiji namwene muzhi wazhila, Yelusalema mupya, kasa ekila mwiulu kufuma kwi Lesa, wanengezhiwa jimo nobe musongwa wavwajila bulongo mwata wanji.

Lumwekesho 22:4

Kabiji bakamona kilungi kyanji, ne jizhina janji jikekala pa bilungi byabo.

Lumwekesho 3:5

Aye ushinda ukavwala bivwalo bitoka, ne amiwa kechi nkazhimang'anya jizhina janji mu buku wa bumi ne, kabiji nketaba jizhina janji ku meso a Bataata ne ku meso a bamalaika babo.