Lumwekesho 3:10 - KNTP

¹⁰ Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.

Lumwekesho 3:10 Iomraidhean Croise

Mateo 24:14

Kabiji ano Mambo Awama a bufumu aka sapwilwa pano pantanda ponse mwa kwibashiina ba mu mikoka yonse ya bantu, bino mpelo ikafike.”

Mateo 26:41

Labainga ne kulomba, kuchiina amba mwakatwela mu lweseko. Kine muchima waswa, pakuba mubiji wanekena.”

Mateo 6:13

Kabiji kechi mwitutwale mu lweseko ne, mwitupokolole kwi yewa mubi.”

Mako 14:9

Kine, nemwambila namba, konse konse ko bakasapwila Mambo Awama pano pantanda ponse, ne kino kyo auba uno mwanamukazhi nakyo kikambiwanga ke kya kumuvulukilako.”

Luka 2:1

Kabiji mu oa moba kwafumine mukambizho kwa Kesala Augusatusa, amba bantu bonse ba mu ntanda banembwe.

Yoano 17:6

“Nasolwele jizhina jenu kwi aba bantu bomwampele mu ba pano pantanda. Bajinga ba kwenu, ne anweba mwibampele ne abo balama mambo enu.

Loma 1:8

Patanshi, napika sante kwi Lesa wami mwi Yesu Kilishitu na mambo a anweba bonse, mambo lwitabilo lwenu lwaya nkuwa pano pantanda ponse.

1 Kolinda 10:13

Kafwako lweseko lwimufikila lo babula kumona bantu bakwabo ne. Mambo Lesa ye wakishinka kechi ukemuleka amba, mumone lweseko lwakila pa bulume bwenu ne, bino mu lweseko ukemumwena jishinda ja kupulukilamo, amba mumone mwa kwilukonshesha.

Efisesa 6:13

Onkao mambo shikulai byonse bya nkondo bya Lesa, namba mukonshe kwimana kasa mwakosa mu juba jibi, ne pakupwa kuuba byonse, kasa mwaimana ponka.

2 Timoti 2:12

Umvwe twakosela mu bya malwa, tukekala nanji mu bufumu pamo. Umvwe twamukana, ne aye naye usa kuketukana;

Yakoba 3:12

Balongo bami, kichi kya mukuyu kipange maolivi nyi? Nangwa mung'anzang'anza apange makuyu nyi? Nangwa mu mema a mukele kechi mukonshe kufuma atobala ne.

1 Petelo 4:12

Anweba batemwe, kechi mukumye alwa lweseko lwa mujilo lwiya pe anweba na kwimweseka nobe kintu kingi kimufikilatu ne.

2 Petelo 2:9

Aye Nkambo wayuka bya kwibapokolola banemeka Lesa mu lweseko, ne kwibalama babula koloka mu lukabisho, kupembela juba ja kije,

Lumwekesho 1:9

Amiwa Yoano, mulongo wenu, ne wa kushilang'ena nenu mu bya malwa ne mu bufumu, ne mu butekanye, biji mwi Yesu. Najinga pa jikuji jo bateela amba, Patamosa na mambo a busapwishi bwa mambo a Lesa ne bukamonyi bwa Yesu.

Lumwekesho 11:10

Ne bekala pano pantanda bakasekela ne kusangalala na mambo a abo, kabiji baketumina bya bupe abo bene na bene, mambo bano bangauzhi babiji bamanyikile bekala pano pantanda.

Lumwekesho 13:10

Inge umo ye wa kuya mu buzha, mu buzha i mo moakaya, umvwe muntu ye wa kwipayiwa na mpoko, ku mpoko koko akepayiwa. Onkao mambo bazhijikwa bafwainwa kukosa mu lwitabilo ne kutekanya mu bya mwalwa.

Lumwekesho 13:14

Ne aye wibajimbaikile bekala pantanda na biyukilo byo bamupele amba obe ku meso a yewa lukinyama mutanshi. Ne kwibambila bekala pano pantanda amba, mulengelai kinkishi kyapashang'ana nanji awa lukinyama wajinga na mutotole wa mpoko, kabiji waikala na bumi.

Lumwekesho 13:8

Ne bonse bekala pano pantanda bakamupopwela, bonse babulwa kunembwa mazhina abo, kufuma ku ntendekelo ya pano pantanda, mu buku wa bumi wa aye Mwana Mukooko, yenkaye waipayilwe.

Lumwekesho 14:12

Byonkabyo bazhijikwa bafwainwa kwikala bakosa, abo balama mikambizho ya Lesa, ne lwitabilo lwa Yesu.”

Lumwekesho 14:6

Kabiji namwene malaika mukwabo kasa apita pakachi ka jiulu, kasa aji na Mambo Awama a myaka ne myaka a kusapwila ku bekala pantanda, ne ku mikoka yonse ne ku bisaka byonse ne ku njimi yonse ne ku mitundu yonse ya bantu.

Lumwekesho 16:14

Mambo yo mipashi ya bademona, yuba biyukilo. Yo iya ku bamfumu ba pano pantanda ponse, mu kwibapwizha pamo ku nkondo ya aja juba jikatampe ja Lesa, wa bulume bonse.

Lumwekesho 17:2

Ye wauba bulalelale na bamfumu ba pano pantanda, ne abo bekala pano pantanda bapendwa binyu bya bulalelale bwanji.”

Lumwekesho 17:8

Awa lukinyama ye wajikumona, wajipo pakuba pano ufwapo, bino pano kasake kufuma mu kalengwa kabula kupela, ne kuya mulonaiko. Ne abo bekala pano pantanda bakakumya, bonse babulwa kunembwa mazhina mu buku wa bumi kufuma ne ku ntendekelo ya pano pantanda, byo bakatala awa lukinyama, byo ajingapo, kabiji pano ufwapo, kabiji ukamweka.”

Lumwekesho 2:10

Kechi wakamwe byo waya umaname ne. Umvwai! Aye Diabola waya emutaye anweba bamo mu kaleya amba mwesekwe, kabiji mukamona bya malwa moba jikumi. Wikale wakishinka kufika ne ku lufu, ne amiwa nkakupa munchinya wa bumi.”

Lumwekesho 3:8

Nayuka mingilo yobe. Pano umvwa! Na kushinkwila kibelo kyashi ku meso obe, kafwako wakonsha kwikishinka nangwa umo ne. Nayuka namba, obewa uji na ka bulume kacheche, kabiji wakookela mafunjisho ami, ne kukana jizhina jami ne.

Lumwekesho 6:10

Kabiji babijikile na jiwi jikatampe amba, “Anweba Nkambo, wazhila ne wa kine, myaka inga yo mukabula kwituchibila mambo ne kushinkanya naabo bekala pantanda na mambo mashi etu?”

Lumwekesho 8:13

Kabiji namwene ne kumvwa mpungu umo kasa apita pakachi ka jiulu, kasa abijika na jiwi jikatampe amba, “Malwa! Malwa! Malwa! Aboba bekala pano pantanda, na mambo a kuvuma kwa oa matolompita a boba bamalaika basatu, bakyangye kwimba!”