Lumwekesho 3:1 - KNTP

¹ “Kabiji kwi aye malaika wa mu kipwilo kya mu Saladisa unembe amba; “Aye uji na mipashi itanu na ibiji ya Lesa, ne atwa tubangabanga tutanu na tubiji, wa amba bino amba, nayuka mingilo yobe, ne byo uji na jizhina nobe wi mumi, bino wi mufu!

Lumwekesho 3:1 Iomraidhean Croise

Luka 15:24

Mambo uno mwanami waji wafwa, bino leelo ke mumi, kabiji wajinga waluba, pano wamweka.’ Ponkapo batatwile kusangalala.”

Luka 15:32

Kyaji kufwainwa atweba kusangalala ne kusekela, mambo uno nkasobe waji wafwa, pano ke mumi, kabiji waji waluba, pano wamweka.’”

Yoano 1:16

Pakuba mo mu kuyula kwanji mo twatambwijile atweba bonse, bupe pa bupe bukwabo.

Yoano 1:33

Ne amiwa kechi namuyukile ne, pakuba awa wantumine na kubatiza na mema, wang'ambijile amba, ‘Awa yenka ye ukamona kasa bamwikijila ku Mupashi, ne kwikala pe aye, ye yenka ubatizha na Mupashi Wazhila.’

Yoano 20:22

Byo a ambile bino, wibapemejile ne kwibambila amba, “Tambulai Mupashi Wazhila.

Yoano 3:34

Mambo ye batuma kwi Lesa ye wamba byambo bya Lesa, mambo Lesa kechi upana Mupashi na kupima ne.

Byubilo 2:33

Byonkabyo byo atumbijikilwe ku kilujo kya Lesa, ne kutambula kwi Shanji kyo alayile kya Mupashi Wazhila, aye waitulula uno. Byonka byo mwamona ne kumvwa.

Efisesa 2:1

Anweba mwajinga bafu na mambo a mizhilulwila yenu ne mambo enu.

Efisesa 2:5

nangwa byotwajinga bafu na mambo a mizhilulwila yetu, aye witusangwile ke bomi pamo ne Kilishitu. Ko ku bupe bwa Lesa ko mwapulukila.

Kolose 2:13

Kabiji anweba mwajinga bafu mu mizhilulwila yenu ne mu bumbulwa mukanda bwa mibiji yenu. Naamba namba, aye Lesa wimusangwile anweba ke bomi pamo ne aye, byo etulekejile mizhilulwila yetu yonse.

1 Timoti 5:6

Bino aye wipana mu bya kwilemena ye mufu nangwa ukipema.

Yakoba 2:26

Mambo byonka byo afwa mubiji kwakubula mupashi, ne lwitabilo nalo pamo, kwakubula mingilo lwafwa.

1 Petelo 1:11

Kasa bapalanguzha amba, ng'anyi kimye, nangwa kyo kimye kya byepi, kyoatongwele Mupashi wa Kilishitu wajinga mwi abo, byo ashimwijile jimo mambo a bya kumanama bya Kilishitu ne bya lukumo bikalondela panyuma.

Yuda 1:12

Bano bantu yo mikunko yafyamika mu bijiilo byenu bya butemwe byo baja nenu, bo basaka kwijiisha bene kwakubula bumvu, o makumbi abula mema, atwalwa na mwela, byo bichi bya kisalo byabula bipangwa, byaumishatu, byazhujika ne mizhazhi.

Lumwekesho 1:11

Amba, “Byo wamona unembe mu buku ne kutuma ku abya bipwilo bitanu na bibiji. Ku Efisesa, ne ku Simulina, ne ku Pelegamuma, ne ku Tiyatila, ne ku Saladisa, ne ku Filadelifya, ne ku Laodikea.”

Lumwekesho 1:16

Kabiji mu kuboko kwanji kwa kilujo mwajinga tubangabanga tutanu na tubiji, ne mu kanwa kanji mwalupukile mpoko yatwa kubiji, ne kilungi kyanji kyaubile nobe juba jasaama mubulume bwajo.

Lumwekesho 1:20

Bino akya kyafyamika kya atwa tubangabanga tutanu na tubiji to wajikumona mu kuboko kwami kwa kilujo, ne abya bitulwapo malampi bitanu na bibiji bya ngolode, byo byo bino; atwa tubangabanga tutanu na tubiji bo bamalaika ba byobya bipwilo bitanu na bibiji, kabiji abya bitulwapo malampi bitanu na bibiji byo bipwilo bitanu na bibiji.”

Lumwekesho 1:4

Amiwa Yoano ku abya bipwilo bitanu na bibiji biji mu Asha. Bupe ne mutende bifuma kwi aye ujiipo, kabiji wajingapo, kabiji ukekalangapo, kabiji bifuma ne ku mipashi itanu na ibiji iji ku meso a jitanda janji,

Lumwekesho 2:13

nayuka ko waikala, konka kuji jitanda ja Satana. Kabiji wakwachisha jizhina jami, ne kukana lwitabilo lwa mwi amiwa ne, nangwa mu moba a Antipasa kamonyi wami, muntu wami wakishinka, ye baipayile mwi anweba, monka mwaikala Satana.

Lumwekesho 2:19

nayuka mingilo yobe, ne butemwe bobe, ne lwitabilo lobe, ne mwingilo wobe wa bukwasho, ne butekanye bobe, ne mingilo yobe yapelaako byo yavula kukila itanshi.

Lumwekesho 2:2

nayuka mingilo yobe, ne mwingilo wobe wakosa ne butekanye bobe, ne byo wabula kwibaswa babi, kabiji byo wibesekele abo beteela amba, twi batumwa, bino kechi bo batumwa ne, kabiji wibamwene amba ba bubela.

Lumwekesho 2:9

nayuka bya malwa byobe, ne buyanji bobe, bino wi munonshi! Nayuka ne mwenga wa abo beteela amba, bo Bayudea bino kechi bo Bayudea ne, bo ba mu shinagoga ya Satana!

Lumwekesho 3:15

nayuka mingilo yobe, byo wabula kuuba munyango nangwa kuuba kyuya. Nasaka namba inge waji kuuba munyango nangwa kuuba kyuya!

Lumwekesho 3:2

Kasa ukenkenta, ukoseshe bintu byashalaapo, biji pepi kufwa! Mambo kechi namona mwingilo obe nangwa umo walumbuluka ku meso a Lesa wami ne.

Lumwekesho 3:8

Nayuka mingilo yobe. Pano umvwa! Na kushinkwila kibelo kyashi ku meso obe, kafwako wakonsha kwikishinka nangwa umo ne. Nayuka namba, obewa uji na ka bulume kacheche, kabiji wakookela mafunjisho ami, ne kukana jizhina jami ne.

Lumwekesho 4:5

Kabiji ne mu jitanda mwalupukile kubeesha, ne mawi, ne bilulumo. Ne malampi atanu ne abiji a mujilo atemenenga ku meso a jitanda, yo mipashi itanu na ibiji ya Lesa.

Lumwekesho 5:6

Kabiji namwene jitanda ne aba bomi bana, ne aba bakulumpe ne mwana mukooko kasa aimana mukachi, wamweka nobe waipayilwe, wajinga na nsengo itanu na ibiji, ne meso nao atanu na abiji, yo mipashi itanu na ibiji ya Lesa, yatumwa pano pantanda ponse.